مەديتسينا • 28 قاراشا، 2022

وزىق تەحنولوگيالى وپەراتسيالار

169 رەت كورسەتىلدى

مەديتسينادا ادامنىڭ اۋرۋىن جازۋدىڭ ورنىنا، كەيدە كەرىسىنشە مايىپ قىلاتىن وقي­عا­­لار دا ورىن الىپ جاتادى. دەن­ساۋلىق ساقتاۋ سالاسىنىڭ مىندەتى دە سول، ناۋقاستاردىڭ دەرتىنە شيپا ىزدەگەن كەزدە بارىن­شا ونىڭ اعزاعا تيەتىن زيانىن ازايتۋ. ويتكەنى ءتىلىپ، كەسىپ جاسالاتىن كەز كەلگەن حيرۋرگيالىق وپە­را­تسيالاردىڭ ءوزى دەنەدە دە، دەن­ساۋ­لىقتا دا ءىزىن قالدىرماي قويمايدى.

وسى ماسەلەگە كەلگەندە قازىر وزىق تەحنولوگيالار كومەگىمەن اتقارىلاتىن وپەراتسيالاردىڭ ماڭىزى وراسان. بۇل جولى مۇنىڭ ناقتى مىسالى رەتىندە مەگاپوليستە ساتىمەن جاسالعان كەزەكتى تىلىكسىز وتالاردىڭ جاي-جاپسارىنا توقتالا كەتەيىك.

بيىل قاراشا ايىنىڭ باسىندا الماتىداعى №7 قالالىق كلينيكالىق اۋرۋحانا دارىگەرلەرى تىزە بۋىنىنا ءارتۇرلى جاعدايدا زاقىم كەلگەن ءۇش پاتسيەنتكە كۇردەلى وپەراتسيا جاساعان بولاتىن. ەڭ باستىسى، مۇنداي بىرەگەي وپەراتسيالار ادام مۇشەسىن ساقتاپ قالۋعا مۇمكىندىك بەرەدى. ءبىر جاعىنان ءمامس قاراجاتىنا جاسالعان ءينۆازيۆتى وتالاردى اۋرۋحانا حيرۋرگتەرى ماسكەۋلىك مامان لەۆ كنەللەرمەن ىنتىماقتاستىق شەڭبەرىندە اتقارعانىن دا ايتا كەتكەن ءجون. شەبەرلىك دارىسىنە قاتىسقان پوليجاراقات بولىمشەسى مەڭگەرۋشىسى رامازان اسكەروۆ وپەراتسيا جاساتقان پاتسيەنتتەر تىزەلەرىن ءارتۇرلى جاعدايدا جاراقاتتاعانىن ايتادى. مىسالى، 18 جاستاعى كارىم تىزە بۋىندارىن ءبىر اي بۇرىن گرەك-ريم كۇرەسى جارىسىندا زاقىمداپ العان. ال 30 جاستاعى ارماننىڭ جاراقاتتانعانىنا 15 جىل بولعان. «جىعىلعانعا جۇدىرىق» دەمەكشى، سودان بەرى اۋىراتىن تىزەسىن تاعى 10 شاقتى رەت اۋىرتىپ ۇلگەرىپتى. ال ەندى مرت دارىگەرى بولىپ جۇمىس ىستەيتىن 38 جاستاعى كەلىنشەك تىزەسىن ۇيدە جاراقاتتاعان. بۇلاردىڭ بارىنە تىزە بۋىنى ارتروسكوپياسى دەپ اتالاتىن وپەراتسيا جاسالدى.

«ەڭبەككە قابىلەتتى جاستاعى پا­تسيەنت­تەردىڭ ۇشەۋىنىڭ دە تىزەدەگى مەنيسك شەمىرشەگى سىنعان. مەنيسك تىزەنى قورعاپ، ونىڭ قوزعالىسىن قامتاماسىز ەتەدى. ادەتتە كوپتەگەن دارىگەر ونى الىپ تاستايدى. ءبىز «اعزانى ساقتاپ قالۋعا» باعىتتالعان وپەراتسيالار ارقىلى مەنيسكتى قالپىنا كەلتىرەمىز»، دەيدى ورتوحيرۋرگيا بولىمشەسىنىڭ مەڭگەرۋشىسى ارنات بايزاقوۆ.

جالپى، ارتروسكوپيا شاعىن ءينۆا­زيۆتى وپەراتسيا بولىپ سانالادى. سوندىقتان تىزە بۋىنىندا جاسالاتىن بارلىق مانيپۋلياتسيالار كىشكەنتاي ەكى تىلىك ارقىلى جۇزەگە اسىرىلادى. ناتيجەسىندە، ەمدەۋ بارىسىندا پاتسيەنتتىڭ قاۋىپسىزدىگى تولىق قامتا­ماسىز ەتىلىپ، اۋرۋدىڭ جانىنا باتقا­نى دا ازايادى. وپەراتسيا ناۋقاس­تىڭ تەزىرەك وڭالۋىنا مۇمكىندىك بەرەدى.

الماتى ونكولوگيالىق ورتالىعى­نىڭ حيرۋرگتەرى دە العاش رەت ۇيقى بەزى باسىنىڭ قاتەرلى ىسىگى بار ناۋقاسقا جوعارى تەحنولوگيالىق وپەراتسيا جاسادى.

ۇيقى بەزى باسىنىڭ ىسىگىنە شالدىق­قان 69 جاستاعى ايەلگە ونكوحيرۋرگيا بولىمشەسىنىڭ مەڭگەرۋشىسى نۇرلان بالتاەۆ العاش رەت لاپاروسكوپيالىق گاستروپانكرەاتودۋدەنالدى رەزەكتسياسى، ياعني ۋيپپل وتاسىن جاسادى. كەسپەي جاسالاتىن وپەراتسيا كەزىندە حيرۋرگ ءبىر مەزگىلدە ۇيقى بەزىنىڭ باسىن، اسقازاننىڭ ديستالدى بولىگىن، ون ەكى ەلى ىشەكتى، اش ىشەكتىڭ باستاپقى بولىگىن، ءوت جولدارى بولىگىن، ءوت قابى مەن ايماقتىق ليمفا تۇيىندەرىن الىپ تاستادى.

بۇرىن مۇنداي دياگنوز قويىلعان كەزدە وپەراتسيا ءداستۇرلى حيرۋرگيالىق كەسۋ ادىسىمەن جاسالاتىن. ونىڭ پاتسيەنت دەنساۋلىعىنا كەلتىرەتىن زاقىمى دا از ەمەس. ويتكەنى وتادان كەيىنگى كەزەڭدە تەرەڭ جارالار مەن باسقا دا كۇردەلى اسقىنۋلاردىڭ دامۋ ىقتيمالدىعى جوعارى بولاتىن. بۇل جولى الماتىلىق ونكولوگتەر وپەراتسيانى شاعىن ءينۆازيۆتى ءادىس – لاپاروسكوپيا ارقىلى بىرنەشە جەردەن تەسىپ جاسادى.

«سان جىلدار بويى گاستروپانكرە­ا­­تودۋودەنالدى رەزەكتسيا ناتيجەلەرى كەلەڭسىزدەۋ بولىپ، ءولىم-ءجىتىم قاۋپى ايتارلىقتاي جوعارى ءتۇرلى اسقىنۋ­لارمەن قاتار ءجۇردى. قازىرگى تاڭدا وسى وپەراتسيانىڭ ماشىقتى تەحنيكاسى، وپەراتسيالىق بولمەنىڭ زاماناۋي جابدىقتالۋى، انەستەزيولوگتەر مەن رەانيماتولوگتەردىڭ جوعارى كاسىبي دايىندىعى – حيرۋرگيالىق ارالاسۋدىڭ وسى تۇرىنەن بولاتىن اسقىنۋلاردى، وپەراتسيادان كەيىنگى قايعىلى وقيعالاردى ايتارلىقتاي ازايتتى، پاتسيەنتتىڭ ءومىرىن ۇزارتىپ، دەنساۋلىعىندا دا ۇزاق ۋاقىت بويى جاقسى ناتيجەسىن بەرىپ وتىر. پاتسيەنت 7 ساعاتتان استام ۋاقىتقا سوزىل­عان وپەراتسيا كەزىندە 200 مل قان جوعالت­قانىمەن، ءبىرىنشى كۇنى-اق ءوزىن جاقسى سەزىندى»، دەيدى نۇرلان بالتاەۆ.

كەيىنگى 5 جىلدا الماتى ونكولو­گيالىق ورتالىعىندا ءداستۇرلى كەسۋ ءادىسى ارقىلى 92 گاستروپانكرەتودۋودەنالدى رەزەكتسيا جاسالسا، ەندىگى جەردە مۇنداي وپەراتسيالار شاعىن ءينۆازيۆتى ادىسپەن اتقارىلادى.

 

الماتى

سوڭعى جاڭالىقتار

الماتىدا ەكى اۆتوبۋس سوقتىعىستى

ايماقتار • بۇگىن، 11:33

ۇقساس جاڭالىقتار