اۋستراليادا اسىعىمىز الشىسىنان تۇسە مە؟

1989-2019 جىلدار ارا­لى­عىندا جاسىل قۇرلىقتا حوپمان كۋبوگى ءوتىپ تۇرعانى وزدەرىڭىزگە ءمالىم. ونىڭ دەۆيس كۋبوگى مەن بيللي دجين كينگتىڭ جارىسىنان ايىر­ماشىلىعى بۇل جەردە ارالاس كوماندالار ونەر كورسەتەدى. ياعني كورتقا ەرلەر دە، ايەلدەر دە شىعادى. كەزىندە اۋستراليا قۇراماسىنىڭ دەۆيس كۋبوگىندە 15 مارتە جەڭىسكە جەتۋىنە ولشەۋسىز ۇلەس قوسقان اتاقتى باپكەردىڭ قۇرمەتىنە وتان­داستارى حوپمان كۋبوگىن وتكىزۋ جونىندە باستاما كوتەرگەن ەدى. بۇل يدەيا حالىقارالىق تەننيس قاۋىمداستىعى باسشىلارى تاراپىنان قولداۋ تاپتى. بۇل جارىس­تا ەڭ زور تابىسقا جەتكەن اقش قۇراماسى. امەريكالىقتار التى رەت (1997، 2003، 2004، 2006، 2008، 2011) باس جۇلدەنى ولجالادى. ەكىنشى ورىندا – يسپانيا (1990، 2002، 2010، 2013) مەن شۆەيتساريا (1992، 2001، 2018، 2019). ولار ءتورت رەتتەن تەڭدەسسىز دەپ تانىلدى. سلوۆاكيا ءۇش رەت (1998، 2005، 2009) توپ جارسا، گەرمانيا (1993، 1995)، اۋستراليا (1999، 2016)، فرانتسيا (2014، 2017) جانە چە­حيادا (1994، 2012) ونداي اتاق­تار­­­دىڭ ەكەۋى بار. ال وار (2000)، رە­سەي (2007)، پولشا (2015)، چە­حو­­سلوۆاكيا (1989)، يۋگوسلاۆيا (1991) جانە حورۆاتيا (1996) ءبىر-ءبىر رەتتەن سونداي قۇرمەتكە بو­­لەندى.

سوڭعى ەكى جارىستىڭ فينالى شۆەيتساريا مەن گەرمانيا تەننيسشىلەرى اراسىندا ءوتتى. ەكى رەتىندە دە العاشقىلارىنىڭ اسىعى الشىسىنان ءتۇستى. ەسەپ – 2:1. جەڭىمپاز كوماندانىڭ ساپىندا «ۇلكەن دۋلىعا» سانا­تىنداعى تۋرنيرلەردىڭ 20 دۇركىن جەڭىمپازى، سول كەزدەگى الەمنىڭ ءبىرىنشى راكەتكاسى رود­جەر فە­دەرەر مەن وليم­پيادا چەمپيو­نى بەليندا بەنچيچ سىندى جۇل­دىزدار ونەر كورسەتتى.

كەيىننەن ول اتر كۋبوگى دەگەن اتاۋعا يە بولدى. اتالعان تۋر­­­نيردە تەك ەرلەر عانا باق سىنادى. 2020 جىلى سەربيا وزدى. سەربتەر جارتىلاي فينالدا رە­سەيدى ۇتسا، فينالدا يسپانيانى تىزە بۇكتىردى. 2021 جىلى رەسەيدىڭ باعى جاندى. ولار يتاليادان ايلاسىن اسىردى. ونىڭ الدىندا نەمىستەردى ۇتقان بولاتىن. بيىل كانادانىڭ قارقىنىنا ەشكىم شىداي المادى. شەشۋشى سايىستا ۇيەڭكى جاپىراقتار ەلىنىڭ وكىلدەرى يس­پاندىقتاردان باسىم ءتۇستى. مىنە، ەندى ۇيىمداستىرۋشىلار ەرلەر مەن ايەلدەردىڭ باسىن قو­ساتىن با­سەكە ۇيىمداستىرۋدى قۇپ كورىپ وتىر.

جاسىل قۇرلىقتا قازاقستان پولشا جانە شۆەيتساريامەن بىرگە ۆ توبىندا وينايدى. بۇل باسەكەلەر بريسبەن قالاسىندا وتەدى. بۇل كوماندالاردىڭ ەكەۋى مىقتى. پول­شانىڭ ساپىندا رولان گار­روستىڭ ەكى دۇركىن جانە اقش-تىڭ اشىق بىرىنشىلىگىنىڭ جەڭىمپازى يگا سۆەنتەك بار. ودان بولەك، بۇگىنگى تاڭدا الەمنىڭ ءبىرىنشى راكەتكاسى اتانىپ وتىر­عان 21 جاستاعى تەن­نيسشى WTA تۋرنيرلەرىندە 11 رەت توپ جاردى. جاسى 30-دان اسسا دا مىقتىلارمەن يىق تىرەسىپ جۇرگەن ماگدا لينەتتىڭ دە قازىرگى بابى جامان ەمەس. ەرلەر سايىسىندا حۋبەرت حۋركاچتىڭ قارقىنى قۋانتادى. 25 جاستاعى ۆروتسلاۆتىڭ تۋماسى بىلتىر ۋيمبلدوننىڭ جارتىلاي فينالىنا دەيىن جەتىپ، بەس بىردەي اتر تۋرنيرلەرىن ۇتتى. بۇل كۇندەرى ول الەمدىك رەيتينگتە ۇزدىك وندىقتى تۇيىندەۋدە. 26 جاستاعى كاميل مايحشاك اتر تىزىمىندە 78-ورىندى يەلەنۋدە.

داڭقتى رودجەر فەدەرەر بيىل ۇلكەن سپورتپەن قوش ايتىستى. بىراق سوعان قاراپ، شۆەيتساريا قۇرا­ماسى السىرەپ قالدى دەگەن وي تۋىنداماۋى كەرەك. 25 جاس­تاعى بەليندا بەنچيچ قازىر ناعىز بابىندا. WTA تىزىمىندە ول 12 ساتىعا جايعاستى. بەنچيچتىڭ قورجىنىندا وليمپيادا التىنىنان بولەك، سول جارىستىڭ كۇمىس جۇلدەسى بار. ونى ول توكيوداعى ويىنداردىڭ جۇپتىق سايىسىندا جەڭىپ الدى. بەليندامەن تۇيدەي قۇرداس جيل تايكمانن ۇزدىكتەر رەيتينگىندە 35-ورىندا تۇرسا، تاجىريبەلى ۆيكتوريا گولۋبيچ 76 ساتىعا تابان تىرەپ تۇر. ەرلەردىڭ اراسىندا 58-ورىنعا تۇراقتاعان مارك-اندرەا حۋسلەردىڭ اياق­­-

الىسى جامان ەمەس. 37 جاستاعى ستەن ۆاۆرينكا دا قاجەت كەزدە ءوز كومانداسىنا كو­مەككە كەلۋ­گە دايار. لوزاننادا دۇ­نيەگە كەل­گەن ايگىلى ويىنشى كە­زىندە اۋستراليا مەن اقش-تىڭ اشىق بىرىنشىلىكتەرىندە الدىنا جان سالماي، رولان گارروستا دا دارا شىقتى.

United Cup تۋرنيرىندە قازاق­ستاننىڭ نامىسىن الەكساندر بۋبليك، تيموفەي سكاتوۆ، دەنيس ەۆسەەۆ، گريگوري لوماكين، يۋليا پۋتينتسەۆا، جىبەك كۇلامباەۆا جانە گوزال اينيتدينوۆا سىندى تەننيسشىلەر قورعايدى. ەگەر ولار تابىستى ونەر كورسەتسە، رەيتينگتە 500 ۇپايعا دەيىن يەلەنۋلەرىنە جاقسى مۇمكىندىك بار.

وزگە توپتاردا مىنا كوماندالار ءوزارا شەبەرلىك بايقاسادى: ا توبى: گرەكيا، بەلگيا، بولگاريا. س توبى: اقش، گەرمانيا، چەحيا. D توبى: يسپانيا، اۋستراليا، ۇلى­­بريتانيا. E توبى: يتاليا، برا­زيليا، نورۆەگيا. F توبى: فران­تسيا، حورۆاتيا جانە ارگەن­تينا. ءار قۇراما ءبىر-بىرىمەن بەس كەز­دەسۋدەن وتكىزەدى. ەرلەر مەن ايەلدەر ەكى رەتتەن كورتقا شىقسا، ءبىر باسەكە ارالاس جۇپتار اراسىندا ۇيىمداستىرىلادى. ەگەر جەرلەستەرىمىز ءوز توبىندا ءبىرىن­­شى ورىن السا، ە توبىنىڭ ۇز­دىگىمەن شە­بەرلىك بايقاسادى. ولار­دى ۇتقان جاعدايدا عانا پلەي-وففقا جولداما الامىز. ودان كەيىن جارتىلاي فينالدىق جانە فينالدىق سايىستار وتەدى.