ەكونوميكا • 27 قاراشا، 2022

كەتىگىن تاپقان كاسىپورىن

67 رەت كورسەتىلدى

وڭىردە قۇرىلىس جۇمىستارى جىل وتكەن سايىن قارقىن الىپ كەلەدى. ەڭ باستىسى، قۇ­رى­لىسقا قاجەتتى ونىمدەر وزىمىزدە وندىرىلە باستادى. مۇ­نىڭ ۇلكەن ماڭىزى بار. ويت­كەنى الىس-جاقىن شەت­ەلدەردەن تاسىمالداناتىن، كەيدە قاسقالداقتىڭ قانىن­داي تاپتىرمايتىن، باعاسى ۋداي قىمبات ونىمدەرگە ەندى مۇقتاج بولماسپىز.

سوڭعى جىلدارى قۇرىلىس سالاسىنا قاجەتتى كىرپىش وبلىستا مولىنان وندىرىلە باستادى. بۇرىننان جۇمىس ىستەپ كەلە جاتقان كاسىپورىندارعا زاماناۋي جابدىقتارمەن تولىق جاراق­تاندىرىلعان، ساپالى ءونىم شىعارا­تىن جاڭا ءوندىرىس ورىندارى قوسىلىپ جاتىر. بۇل وبلىستىڭ قۇرىلىس سالاسىن­داعى الەۋەتىن ارتتىرىپ، قاناتىن كەڭگە جايۋعا مۇمكىندىك بەرەدى.

ارشالى اۋدانىنداعى ۆولگودو­نوۆكا اۋىلىنداعى «SG BRICK» كىرپىش زاۋىتى – ورتالىق ازيادا تەڭدەسى جوق كاسىپورىن. بۇل كاسىپورىن «G-Park» قۇرىلىس كومپانياسى توبىنىڭ قۇرا­مىنا كىرەدى. زاۋىت ىرگەدەگى ەلوردانى عانا ەمەس، ەلىمىزدىڭ بىرقاتار ءوڭىرىن ساپالى ونىممەن قامتاماسىز ەتپەك.

ونەركاسىپ سەكتورى ءوڭىر ەكونوميكاسىندا باسىم سالا بولىپ تابىلادى. سالاعا سەرپىن بەرەتىن جاڭا جوبالاردىڭ جۇزەگە اسىرىلۋى كوڭىلگە قۋانىش ۇيالاتىپ، ەل كوكىرەگىندەگى سەنىمدى نىعايتا تۇسەدى. جاڭا زاۋىتتىڭ ىسكە قوسىلۋى وبلىستاعى كىرپىش ءوندىرىسىن ەكى ەسەگە ارتتىرىپ وتىر.

زاۋىت قۇرىلتايشىسى، «G-Park» جشس قۇرىلىس كومپانيالا­رى توبى­نىڭ باس ديرەكتورى عابيت سات­ما­عامبەتوۆتىڭ ايتۋىنشا، كومپا­نيا بۇعان دەيىن وتاندىق ونىمدەر­مەن سالىس­تىرعاندا باعاسى ەداۋىر قىم­بات تۇرا­تىن قۇرىلىس ماتەريالدارىن وزبەك­ستان، ۋكراينا، رەسەيدەن جەت­كىزۋ­­شى­لەرمەن ءوزارا ىنتىماقتاستىق قارىم-قاتىناس جاساعان. ارينە، سىرتتان تاسى­مال­دانعان ماتەريالدار سالىن­عان نىسان­نىڭ شارشى مەترىنىڭ وزىندىك قۇنى­­نىڭ ءبىرشاما ءوسىپ كەتۋىنە اسەر ەتەدى.

– مەن بىرتىندەپ يمپورتتان باس تارتىپ، ءوز زاۋىتتارىمدى سالۋ تۋرالى جاۋاپتى شەشىم قابىلدادىم. جىلجىمايتىن م ۇلىكتىڭ تۇپكى قۇنى تومەن بولۋى ءۇشىن كوپتەگەن قۇرىلىس كومپانيالارى ساپالى ءارى ارزان قۇرىلىس ماتەريالدارىن قاجەت ەتەدى، – دەيدى ع.ساتماعامبەتوۆ.

ساپالى كەراميكالىق كىرپىش الەمگە ايگىلى «Beralmar» كومپانياسىنىڭ يسپان تەحنولوگياسى بويىنشا وندىرەتىن زاۋىتتىڭ جانىندا جالپى اۋدانى 161 گەكتاردى الىپ جاتقان كارەر بار. بۇل جەردەن قىزىل جانە سارى ساز شىعارىلادى. جىلۋ تاسىمالداعىش رەتىندە وندىرىستە تابيعي گاز پايدالانىلادى. گازدىڭ جىلدىق قاجەتتىلىگى – 18 ملن تەكشە مەتر. بۇگىندە كومپانيا كىرپىشتى بوياۋ ءوندىرىسىن جولعا قويۋدا. قازىر بوياۋلاردىڭ بىرنەشە ءتۇرى قولدانىلا باستادى. ىستىققا ءتوزىمدى جانە سۋ وتكىزبەيتىن 27 ۇلگىسى الىندى.

جاڭا ءوندىرىس دەگەنىمىز – ەڭ الدى­مەن جەرگىلىكتى ەڭبەك ادامدارىن جۇ­مىسپەن قامتۋ. كاسىپورىندا 250 جۇ­مىس ورنى اشىلادى. وسى ورايدا جا­قىن ماڭايداعى اۋىلداردان جۇ­مىس­شىلار تارتۋ كوزدەلىپ وتىر. تۇ­راق­­تى ەڭبەكاقى الاتىن بولعان­دىقتان، اۋىل تۇرعىندارىنىڭ دا الەۋمەتتىك-تۇر­مىستىق جاعدايى جاقسارماق. 

زاۋىت جىلىنا 120 ملن دانا كىر­پىش شىعارۋعا قابىلەتتى. بۇل جوبا ين­دۋستريالاندىرۋدىڭ بىرىڭعاي كارتاسى اياسىندا جۇزەگە اسىرىلۋدا. جوبانىڭ قۇنى – 27 ملرد تەڭگە. بيىل شىلدە ايىندا پايدالانۋعا بەرىلدى.

– كىرپىش زاۋىتى ءبىر جارىم جىل­دىڭ ىشىندە تۇگەل سالىنىپ ءبىتتى، – دەي­دى زاۋىت ديرەكتورى اسحان قابىل­دين، – قازىر بىرنەشە ءتۇرلى كىرپىش دايىن­داۋ­دامىز. عيماراتتى قاپتاۋعا قاجەتتى كىر­پىشكە سۇرانىس مول.

قازىر زاۋىتتا ءونىم ءوندىرۋ قارقىن­دى جۇرگىزىلۋدە. وندىرىلگەن ءونىم ساپا­­سى سىناقتان وتكىزىلىپ، جاقسى باعا­­سىن العان. ءدال وسىنداي قۋاتتى كاسىپ­­ورىندار جارقىن بولاشاقتىڭ قۇرى­لىستارىن كوركەيتە تۇسەتىنى ءسوزسىز.

 

اقمولا وبلىسى  

سوڭعى جاڭالىقتار

يزرايلدە جەر سىلكىندى

الەم • بۇگىن، 10:03

ۇمىتكەرلەردى تىركەۋ باستالدى

سايلاۋ • بۇگىن، 08:58

دوستىق جانە مەملەكەتتىك مۇددە

قازاقستان • بۇگىن، 08:45

ينۆەستيتسيا كولەمى ازايعان

ينۆەستيتسيا • بۇگىن، 08:40

ۇزدىكتەر قاتارىندا

ماراپات • بۇگىن، 08:35

جامپوز

قازاقستان • بۇگىن، 08:25

جەدەل جەلى قوسىلدى

الەم • بۇگىن، 00:28

«ساۋلەڭ بولسا كەۋدەڭدە...»

پىكىر • بۇگىن، 00:21

قۋاتى مول قۇراما جەم

ەكونوميكا • بۇگىن، 00:14

تەكەلىنىڭ ءتاتتى تاعامدارى

ايماقتار • بۇگىن، 00:05

ۇقساس جاڭالىقتار