فرانتسيا – پلەي-وففتا

الەم چەمپيوناتتارىنىڭ تاريحىنا كوز جۇگىرتەر بولساق، قاتار قۇراماسى جارىستى ۇيىمداستىرۋشى ەل رەتىندە توپتىق كەزەڭنەن شىعا الماعان ەكىنشى مەملەكەت اتاندى. العاشقىسى – وڭتۇستىك افريكا قۇراماسى بولاتىن. 2010 جىلى وار-دا وتكەن قۇرلىق بىرىنشىلىگىندە دە جارىس قوجايىندارى توپتىق كەزەڭنەن ارىگە اسا الماعان ەدى.

ءبىرىنشى تۋردا ەكۆادوردان 2:0 ەسە­بىمەن جەڭىلگەن قاتار ەكىنشى تۋردا دا سەنەگال قۇراماسىنا جول بەردى – 3:1. وسىلايشا، ەكى ماتچتا دا سوقىر ۇپاي ولجالاي الماعان الاڭ قوجايىندارى الەم چەمپيوناتىندا ساتسىزدىككە ۇشى­راعان العاشقى قۇراما بولدى. سونداي-اق «ا» توبىنداعى ەكىنشى ماتچتا نيدەرلاند ەكۆادوردىڭ وسال تۇسىن تابا المادى – 1:1. دەسە دە ەكىنشى تۋردان كەيىن «قىزعالداقتار» ەلىنىڭ قۇ­را­ماسى ەكۆادورمەن بىرگە تۋرنير كەستەسىندە 4 ۇپايمەن العاشقى ەكى ورىندى ءبولىسىپ تۇر. سەنەگالدىڭ ەنشى­سىندە ءۇش ۇپاي بار.

ازيا ايماعىنان قاتىسىپ جاتقان وزگە ەلدەردىڭ ناتيجەلەرىنە توقتالار بول­ساق، العاشقى تۋردا ازۋلى ارگەنتينا قۇرا­ماسىن تىزە بۇكتىرگەن ساۋد ارابيا قۇراماسى ەكىنشى تۋردا پولشا فۋتبولشىلارىمەن كەزدەسىپ، 2:0 ەسەبىمەن جول بەردى. بۇل ماتچتا پەتر زەلينسكي مەن روبەرت لەۆاندوۆسكي مەرگەندىگىمەن كوزگە ءتۇستى. توپتاعى ەكىنشى ويىندا ارگەنتينا مەكسيكانى جەڭىپ، العاش­قى ءۇش ۇپايىنا قول جەتكىزدى. مەسسي قاتارىنان ەكىنشى ماتچتا دا مەر­گەندىگىمەن كوزگە تۇسكەنىن ايتا كەتەيىك. ەكىنشى تۋر ماتچتارىنان كەيىن «س» توبىندا پولشا 4 ۇپايمەن كوش باستادى. ءۇش ۇپايى بار ارگەنتينا مەن ساۋد ارابياسى ەكىنشى جانە ءۇشىنشى ورىنداردى ءبولىسىپ تۇر. مەكسيكا ءبىر ۇپايمەن كوش سوڭىندا قالىپ قويدى.

«ۆ» توبىندا باق سىناپ جاتقان يران فۋتبولشىلارى ءبىرىنشى تۋردا انگليا قۇراماسىنان وڭباي جەڭىلسە دە (6:2)، ەكىنشى تۋردا تەز ەس جيىپ ۇلگەردى. يران بۇل ماتچتا الەم چەمپيوناتىنا 1958 جىل­دان كەيىن العاش رەت قاتىسىپ جاتقان ۋەلس قۇراماسىمەن كەزدەسىپ، «احمەد بين ءالي» ستاديونىندا وتكەن تارتىستى كەزدەسۋدىڭ سوڭعى مينۋتتارىندا جەڭىستى قارسىلاستارىنان ج ۇلىپ اكەتتى – 2:0. 90-مينۋتقا دەيىن بىردە-ءبىر گولدى تاماشالاي الماعان جانكۇيەرلەر 90+8 جانە 90+11-مينۋتتاردا ەكى بىردەي تاماشا گولدىڭ كۋاسى بولدى. كەزدەسۋدىڭ 86-مينۋ­تىندا ۋەلس قۇراماسىنىڭ قاقپاشىسى ۋەين حەننەسسي قىزىل قاعازبەن جازالانىپ، الاڭنان قۋىلدى. بۇل – بيىلعى الەم بىرىنشىلىگىندە فۋتبولشىلارعا كورسەتىلگەن العاشقى قىزىل قاعاز.

انگليا مەن اقش قۇرامالارى ارا­سىنداعى ەكىنشى ويىندا ەكى ەل فۋتبولشىلارى تەڭ ناتيجەگە رازى بولىستى – 0:0. ءبىرىنشى تۋردا يران قاقپاسىنا التى گول سوققان اعىلشىندار بۇل ماتچ­تا اقش قاقپاسىنان ساڭىلاۋ تابا المادى. «ۆ» توبىنداعى ەكىنشى تۋر ويىندارىنان كەيىن ءتورت قۇرامادا دا كەلەسى كەزەڭگە شىعۋ مۇمكىندىگى ساقتالىپ قالدى. انگليا تۋرنير كەستەسىندە 4 ۇپايمەن كوش باستاپ تۇرسا، كەيىنگى ورىندارعا يران (3 ۇپاي)، اقش (2)، ۋەلس (1) قۇرامالارى جايعاسقان. بۇل توپتىڭ ءۇشىنشى تۋر ماتچتارى 29 قارا­شاعا جوسپارلانعان.

ءبىر ايتا كەتەرلىگى، انگليا الەم چەمپيوناتتارى تاريحىندا وسىمەن 12 مارتە قارسىلاستارىمەن 0:0 ەسەبىمەن تەڭ وينادى. ال اقش قۇراماسى العاش رەت تەڭ ناتيجەسىنە قول جەتكىزدى.

فرانتسيا قاتارىنان ەكى تۋردا دا 100 پايىزدىق ناتيجە كورسەتىپ، 32 قۇرامانىڭ ىشىندە ءبىرىنشى بولىپ پلەي-وفف كەزەڭىنە جولداما الدى. «D» توبىندا سىنعا ءتۇسىپ جاتقان ء«ۇش جولاقتى» ەلدىڭ فۋتبولشىلارى ءبىرىنشى تۋردا اۋستراليانى 4:1 ەسەبىمەن تىزە بۇكتىرگەن بولسا، كەشە مباپپەنىڭ ءدۋبلى ارقاسىندا دانيانى سان سوقتىردى – 2:1. 61-مينۋتتا الەم چەمپيوناتىنا قاتىسىپ جاتقان ەڭ قىمبات فۋتبولشى مباپپە ەسەپتى اشقان بولسا، ارادا جەتى مينۋت وت­كەن­دە دانيا فۋتبولشىسى كريستەنسەن تارازى باسىن تەڭەس­تىرگەن-ءدى – 1:1. ال ماتچ­تىڭ 86-مينۋتىندا گريزماننىڭ پاسىنان كەيىن مباپپە شمەيحەلدى قاپى قالدىرىپ، كومانداسىنا ماڭىزدى ءۇش ۇپاي سىيلادى. «D» كۆارتەتىنىڭ ەكىنشى جۇبىندا اۋستراليا قۇراماسى ءتۋنيستى ءبىر گول ايىرماسىمەن تىزە بۇكتىرىپ، الەم چەمپيوناتىنداعى العاشقى جەڭىسىن تويلادى – 1:0. بۇل توپتا فرانتسيا مەرزىمىنەن بۇ­رىن كەلەسى كەزەڭگە جولداما الىپ قويسا (6 ۇپاي)، ەكىنشى جولداماعا اۋستراليا (3)، تۋ­نيس (1) جانە دانيا (1) قۇرامالارى تالاسادى.

سونداي-اق ءبىرىنشى تۋردا قاتارداعى الەم چەمپيوناتىنىڭ باستى فاۆوريتتەرى سانالعان برازيليا، پورتۋگاليا، بەل­گيا قۇرامالارى جەڭىسكە جەتتى. «پەنتاكام­پەوندار» العاشقى تۋردا سەربيادان باسىم تۇسسە (2:0)، رونالدۋ باستاعان پورتۋگاليا گانانى جەڭدى – 3:2. 60-مينۋتتا پەنالتيدەن گول سوققان رونالدۋ قاتارىنان بەسىنشى الەم چەمپيوناتىندا مەرگەندىك تانىتقان تاريحتاعى ءبىرىنشى فۋتبولشى اتاندى. بەلگيا ميشي باچۋايدىڭ گولى ارقاسىندا چەمپيوناتتاعى العاشقى ءۇش ۇپايىنا قول جەتكىزدى.