«ۇلتتىڭ بوستاندىق جولىنداعى تاباندى كۇرەسىنىڭ ارقاسىندا قازاق ەلى تاۋەلسىزدىگىن الدى. ەگەمەن مەملەكەتتىڭ قۇرىلۋىنا, ونىڭ ىرگەسىن بەكىتۋ جولىندا وراسان زور ەڭبەك سىڭىرگەن تاريحي تۇلعالارىمىزعا ءادىل باعا بەرۋىمىز كەرەك. تابىستاردى جانە ولقىلىقتاردى اجىراتاتىن بۇل – ۋاقىت جانە تاريح. ۋاقىت – ەڭ ءادىل قازى, ال تاريح – بارىنە تارازى. سوندىقتان ساياسي ناۋقانشىلىققا جول بەرمەۋىمىز قاجەت», دەدى ق.توقاەۆ.
سونداي-اق ول بولاشاقتا ادىلەتتى مەملەكەت بولۋ ءۇشىن وتكەنگە ادىلدىكپەن قاراپ, ودان تاعىلىم الۋدى العا تارتتى.
«جاقسىدان ۇيرەنىپ, جاماننان جيرەنۋ – وسەتىن ەلدىڭ بەلگىسى. كەرىسىنشە, وتانشىلدىق, ەڭبەكقورلىق, بىلىمپازدىق, جاڭاشىلدىق, جاسامپازدىق, جاناشىرلىق, مەيىرىمدىلىك سياقتى اسىل قاسيەتتەردى بويعا ءسىڭىرۋىمىز قاجەت. مەن بۇل تۋرالى ءجيى ايتىپ ءجۇرمىن», دەدى مەملەكەت باسشىسى.
