ء«بىز ادىلدىكتى قالپىنا كەلتىرىپ, ەلدەن زاڭسىز شىعارىلعان بارلىق اكتيۆتى قايتارۋعا ءتيىسپىز. بۇل ءۇشىن ۇكىمەت زاڭسىز شىعارىلعان كاپيتالدى قايتارۋ ءۇشىن قاجەتتى راسىمدەردى رەتتەيتىن زاڭ جوباسىن ازىرلەيدى. سونىمەن قاتار زاڭ جوباسى ادىلەتسىز بايۋعا جانە اكتيۆتەردى زاڭسىز شىعارۋعا ىقپال ەتەتىن سەبەپتەر مەن شارتتاردى جويۋعا باعىتتالادى», دەدى پرەزيدەنت.
ونىڭ ايتۋىنشا, قايتارىلعان بارلىق قاراجات ازاماتتاردىڭ يگىلىگىنە جۇمسالادى. بۇل قارجى جوعارى تەحنولوگيالى ءوندىرىس ورىندارىن اشۋعا, مەكتەپتەر مەن اۋرۋحانالار سالۋعا, الەۋمەتتىك جوبالاردى جۇزەگە اسىرۋعا پايدالانىلادى.
ء«تيىستى جارلىققا بۇگىن قول قويامىن. جاقىن ارادا اۋقاتتى كاسىپكەرلەر حالىقتىڭ يگىلىگى ءۇشىن وزدەرىنىڭ الەۋمەتتىك جاۋاپكەرشىلىگىن جانداندىرادى دەپ ويلايمىن», دەدى ول.
