پرەزيدەنت • 26 قاراشا، 2022

پرەزيدەنت ەلدىڭ ارمان-مۇراتىنا ادال بولۋعا سەرت بەردى

54 رەت كورسەتىلدى

مەملەكەت باسشىسى قاسىم-جومارت توقاەۆ ۇلىقتاۋ راسىمىندە ەشقاشان ادالدىقتان اتتاماۋعا سەرت بەردى، دەپ حابارلايدى Egemen.kz.

«سايلاۋعا قاتىسقان بارشا جۇرتقا ريزاشىلىعىمدى بىلدىرەمىن. ناۋقانعا اتسالىسقان قاۋىمعا، بايقاۋشىلار مەن جۋرناليستەرگە زور العىس ايتامىن. پرەزيدەنتتىككە كانديداتتارعا دا قۇرمەتىمدى بىلدىرەمىن. سايلاۋدا ساياسي پارتيالار جانە قوعامدىق ۇيىمدار ماڭىزدى ساتتە جۇدىرىقتاي جۇمىلا الاتىنىن كورسەتتى. وسى رەتتە، مەنى پرەزيدەنتتىككە ورتاق كانديدات رەتىندە ۇسىنعان حالىق كواليتسياسى مۇشەلەرىنە راحمەت ايتقىم كەلەدى. مەن وزىمە داۋىس بەرگەن ازاماتتاردىڭ عانا ەمەس، بۇكىل قازاقستان حالقىنىڭ الدىندا ەسەپ بەرەتىن بولدىم. قازاقتا «بايلىق نە كەرەك، ادالدان جيماساڭ، بيلىك نە كەرەك، ادىلدىك قۇرماساڭ» دەگەن ءسوز بار. بۇل – بۇلجىتپاي ۇستاناتىن ومىرلىك قاعيداتىم»، دەدى مەملەكەت باسشىسى.

كوك تۋدى ءسۇيىپ، دانا حالقىنىڭ الدىندا باس يگەن پرەزيدەنت ەلدىڭ ارمان-مۇراتىنا ءومىر-باقي ادال بولۋعا سەرت بەردى. ول ەشقاشان ادالدىقتان اتتاماۋعا جانە ەل مۇددەسىنە قيانات جاساماۋعا انت ەتتى.

«اتا زاڭعا قولىمدى قويىپ، ونىڭ ءار ءسوزىن مۇلتىكسىز ورىندايمىن. حالقىمنىڭ الدىنداعى وسى انتىم الداعى قىزمەتىمدە مەن ءۇشىن اينىماس تەمىرقازىق بولادى»، دەدى ول.

سوڭعى جاڭالىقتار

استانادا «ۆaitursynuly.kz» سايتىنىڭ تۇساۋكەسەرى ءوتتى

احمەت بايتۇرسىن ۇلى • 03 اقپان، 2023

ۇقساس جاڭالىقتار