قازاقستان • 24 قاراشا، 2022

ەلىمىزدە 4 تۇزەتۋ كابينەتى جانە ءبىر وڭالتۋ ورتالىعى اشىلادى

12 رەت كورسەتىلدى

2023 جىلى ەلىمىزدە 11 پسيحولوگيالىق-مەديتسينالىق-پەداگوگيكالىق كونسۋلتاتسيا (پمپك)، 4 پسيحولوگيالىق-پەداگوگيكالىق تۇزەتۋ كابينەتى جانە ءبىر وڭالتۋ ورتالىعى اشىلادى. ولار بالالارعا الەۋمەتتىك مەديتسينالىق-پەداگوگيكالىق قولداۋ كورسەتۋگە اسا قاجەتتىلىك بايقالاتىن وڭىرلەردە ىسكە قوسىلادى، دەپ حابارلايدى Egemen.kz وقۋ-اعارتۋ مينيسترلىگىنىڭ ءباسپاسوز قىزمەتىنە سىلتەمە جاساپ.

بۇگىنگى كۇنى ەلىمىزدە 89 پسيحولوگيالىق-مەديتسينالىق-پەداگوگيكالىق كونسۋلتاتسيا، 208 پسيحولوگيالىق-پەداگوگيكالىق تۇزەتۋ كابينەتى، 13 وڭالتۋ ورتالىعى جۇمىس ىستەيدى.

«وقۋ-اعارتۋ مينيسترلىگى 2025 جىلعا دەيىن پمپك جەلىسىن 50 000 بالاعا شاققاندا 1 پمپك ەسەبىنەن 125-كە دەيىن كەڭەيتۋدى جوسپارلاپ وتىر. پمپك جانە تۇزەتۋ كابينەتتەرىنىڭ سانى جىل سايىن ارتىپ كەلە جاتقانىن اتاپ وتكىم كەلەدى. قاراعاندى، اقتاۋ، شىمكەنت قالالارىندا، ماڭعىستاۋ جانە الماتى وبلىسىندا پسيحولوگيالىق-مەديتسينالىق-پەداگوگيكالىق كونسۋلتاتسيالار اشىلدى. تۇزەتۋ كابينەتتەرى مەن وڭالتۋ ورتالىقتارىنىڭ سانى دا ارتىپ كەلەدى. سوڭعى ەكى جىلدا 13 تۇزەتۋ كابينەتى اشىلدى. ياعني بالالاردى ارنايى پسيحولوگيالىق-پەداگوگيكالىق قولداۋمەن قامتۋ ايتارلىقتاي كەڭەيىپ جاتىر. بۇل بالالار مۇگەدەكتىگىنىڭ الدىن الۋعا جانە ازايتۋعا ىقپال ەتەدى»، دەدى قر وقۋ-اعارتۋ مينيسترلىگى ارنايى جانە ينكليۋزيۆتى ءبىلىم بەرۋدى دامىتۋدىڭ ۇلتتىق عىلىمي-پراكتيكالىق ورتالىعىنىڭ ديرەكتورى ايگەرىم كۋدەرينوۆا.

سونىمەن قاتار ەلىمىزدە ارنايى ءبىلىم بەرەتىن ۇيىمداردىڭ سانى دا ءوستى. بالالار جىلىندا ەلىمىزدە تاراز، ورال جانە قاراعاندى ​​قالالارىندا اۋتيزممەن اۋىراتىن بالالارعا ارنالعان ءۇش قولداۋ ورتالىعى اشىلدى. 

سوڭعى جاڭالىقتار

دوللار باعامى قايتا ءوستى

قارجى • بۇگىن، 16:12

ۇقساس جاڭالىقتار