ساياسات • 24 قاراشا، 2022

قازاقستان دەلەگاتسياسى بۇۇ وركەنيەتتەر اليانسىنىڭ فورۋمىنا قاتىستى

20 رەت كورسەتىلدى

سىرتقى ىستەر ءمينيسترىنىڭ ءبىرىنشى ورىنباسارى قايرات وماروۆ پەن «كونفەسسياارالىق جانە وركەنيەتارالىق ديالوگتى دامىتۋ جونىندەگى ن.نازارباەۆ ورتالىعىنىڭ» باسقارما توراعاسى بولات سارسەمباەۆ باستاعان قازاقستان دەلەگاتسياسى بۇۇ وركەنيەتتەر اليانسىنىڭ 9-شى جاھاندىق فورۋمىنا قاتىستى، دەپ حابارلايدى Egemen.kzء سىم ءباسپاسوز قىزمەتىنە سىلتەمە جاساپ.

فورۋم بۇۇ باس حاتشىسى انتونيو گۋتەرريشتىڭ توراعالىعىمەن ءوتىپ، وعان ەۋروپا، تاياۋ شىعىس جانە افريكا ەلدەرىنىڭ سىرتقى ساياسي ۆەدومستۆولارىنىڭ باسشىلارى دا قاتىستى. ءىس-شاراعا الەمنىڭ 95 ەلىنەن 1000-نان استام دەلەگات، ونىڭ ىشىندە 44 دەلەگاتسيا مينيسترلەر دەڭگەيىندە قاتىستى.

وركەنيەتتەر اليانسىنىڭ دوستار توبىنىڭ مينيسترلىك كەزدەسۋىندە سويلەگەن سوزىندە ق.وماروۆ قازاقستاننىڭ تولەرانتتى قوعام قۇرۋداعى باي تاجىريبەسىن، سونداي-اق ەلىمىزدەگى كونفەسسياارالىق ديالوگتىڭ بىرەگەي ۇلگىسىن اتاپ ءوتتى.

قازاقستاننىڭ باستاماسى بولىپ تابىلاتىن الەمدىك جانە ءداستۇرلى دىندەر ليدەرلەرىنىڭ سەزى، سونداي-اق بيىل قىركۇيەكتە وتكەن VII سەزدىڭ قورىتىندىلارىنا ەرەكشە نازار اۋدارىلدى.

اتاپ ايتقاندا، قازاقستاندىق ديپلومات حالىقارالىق قوعامداستىقتىڭ دىنارالىق، مادەنيەتارالىق جانە وركەنيەتارالىق ديالوگتى ىلگەرىلەتۋ جونىندەگى بىرلەسكەن كۇش-جىگەرىنىڭ ماڭىزدىلىعىن اتاپ ءوتتى.

فورۋم جۇمىسى شەڭبەرىندە ق.وماروۆ بۇۇ باس حاتشىسىنىڭ وركەنيەتتەر اليانسى جونىندەگى جوعارى وكىلى ميگەل موراتينوس، ماروككو كورولدىگىنىڭ سىرتقى ىستەر ءمينيسترى ناسەر بۋريتا، پاكىستان يسلام رەسپۋبليكاسىنىڭ سىرتقى ىستەر جونىندەگى مەملەكەتتىك ءمينيسترى حينا كحار مەن مۇسىلمان اقساقالدار كەڭەسىنىڭ باس حاتشىسى مۇحامەد ابدەلسالاممەن ەكىجاقتى كەزدەسۋلەر وتكىزدى.

اتالعان كەزدەسۋلەر بارىسىندا تاراپتار ەكىجاقتى جانە كوپجاقتى فورماتتاعى ماسەلەلەردىڭ كەڭ اۋقىمىن تالقىلادى. شەتەلدىك ارىپتەستەر قازاقستان حالقىن وتكەن پرەزيدەنتتىك سايلاۋمەن قۇتتىقتاپ، قازاقستاندىقتاردىڭ بولاشاقتا دامۋ مەن تۇراقتىلىققا داۋىس بەرگەنىن اتاپ ءوتتى.

سوڭعى جاڭالىقتار

دوللار باعامى قايتا ءوستى

قارجى • بۇگىن، 16:12

ۇقساس جاڭالىقتار