«شامامەن ساعات 17:00-دە قالالىق جەو-داعى جىلىتۋ قازاندىعىندا شامالى سىرىل پايدا بولىپ, قازاندىقتىڭ توسەمى بۇزىلدى. ەكىنشى ىستىق سۋ مەن ءۇش بۋ قازاندىعى زاقىمدانباعان. جۇمىسشىلار اراسىندا زارداپ شەككەندەر مەن قۇرباندار جوق. بۇل اقاۋ جىلۋمەن جانە سۋمەن قامتاماسىز ەتۋگە اسەر ەتپەيدى», دەپ حابارلادى ارقالىق قالاسىنىڭ اكىمدىگى.
سونداي-اق جوندەۋ جۇمىستارى جۇمىس تارتىبىندە جۇرگىزىلەتىنى حابارلاندى. بۇل رەتتە جەرگىلىكتى بيلىك ازاماتتاردان ينتەرنەتتە جالعان اقپارات تاراتپاۋدى سۇرايدى.
ارقالىق جەو وتكەن جىلدىڭ كۇزىندە اۋقىمدى جوندەۋدەن كەيىن ىسكە قوسىلدى. بۇل جەو-نى مازۋتتان كومىرگە اۋىستىرۋعا مۇمكىندىك بەردى.
