بۇل جاڭالىقتى لۋكاس ءوزىنىڭ ينستاگرامىندا جاريالادى. «مەن ءوزىمنىڭ تۋعان جەرىم – قازاقستانىمدا, سۇيىكتى قالام – الماتىدا UBO نۇسقاسى بويىنشا الەم چەمپيونى اتاعى ءۇشىن تالاسامىن. وسى ءساتتى ۇزاق كۇتكەن ەدىم. سول جوسپارىمدى قازاقستاندا جۇزەگە اسىرۋىما تاماشا مۇمكىندىك تۋىپ وتىر. سول ءۇشىن دە مەن قۋانىشتىمىن. سىزدەردىڭ قولداۋلارىڭىزدىڭ ارقاسىندا مەن ءالى تالاي بيىكتەردى باعىندىرا الامىن دەپ ويلايمىن. 11 جەلتوقساندا «الماتى ارەناعا» كەلىڭىزدەر. سول جەردە مەن ادەمى, ساپالى, تەحنيكالىق تۇرعىدان ابدەن جەتىلگەن ناعىز قازاق بوكسىن كورسەتۋگە بارىنشا كۇش سالامىن», دەيدى انگەلينا.
قارا قۇرلىق وكىلىنىڭ جاسى 32-دە. ول 2016 جىلدان بەرى كاسىپقوي رينگتە باق سىناپ ءجۇر. سول ارالىقتا 19 كەزدەسۋ وتكىزىپ, سەگىز رەت جەڭىسكە جەتتى. سەگىز رەت ۇتىلىپ, تاعى ءۇش باسەكەدە تەڭ ەسەپ تىركەلدى.
