جۇمىس بەرگەننىڭ ءجۇزى جارقىن

سونىمەن بىرگە «جۇمىس بەرۋ­شىلەر كۇنىنە» وراي «Alliance Buildings» جشس ديرەكتورى ا.كاديروۆ, «يۋگدورستروي» جشس باسشىسى م.ماحكامباەۆ, «Altai Bulding LTD» جەتەكشىسى س.حايتمەتوۆ جانە جك «ديل­بارجون» باسقارۋشىسى د.مي­رياكۋبوۆا ارنايى قوناق رەتىندە شاقىرىلدى. سالتاناتتى ءىس-شارا بارىسىندا قاتىسۋشىلار ال­دىمەن كوللەدج ستۋدەنتتەرى ازىر­لەگەن قولونەر كورمەسىنىڭ جۇ­مىسىمەن تانىستى. سودان سوڭ جيىن­نىڭ رەسمي بولىگى كوللەدج­دىڭ اكت زالىندا جالعاستى. كا­سىپتىك ءبىلىم بەرۋ ۇيىمىنىڭ ديرەكتورى مارس ەلەكەەۆ ارناۋلى وقۋ ورنىنىڭ اتقارىپ جاتقان جۇمىستارى مەن ستۋدەنتتەردى كاسىپكە باۋلۋدا جەتكەن جەتىس­تىكتەرى جونىندە قىسقاشا بايان­داپ ءوتتى. وسىدان كەيىن قالا اكىمىنىڭ ءبىرىنشى ورىنباسارى ش.مۇقان ءسوز الىپ, جاستاردى تەحنيكالىق كاسىپكە ۇيرەتۋدىڭ ماڭىزدىلىعىنا توقتالىپ, وسى باعىتتا مەملەكەت تاراپىنان كورسەتىلىپ جاتقان قولداۋ مەن جەڭىلدىكتەر جونىندە اڭگىمەلەپ بەردى. سونداي-اق قالا اكىمىنىڭ ءبىرىنشى ورىنباسارى بىرنەشە جۇمىس بەرۋشىنى وقۋ-اعارتۋ ءمينيسترى ا.ايماعامبەتوۆتىڭ العىس حاتىمەن ماراپاتتادى. ولاردىڭ اراسىندا كاسىپكەر «يۋگدورستروي» جشس ديرەكتورى م.ماحكامباەۆ, جك «تۋرسۋنباەۆ ۋ» باسشىسى ۋ.تۇرسىنباەۆ بار. بۇدان وزگە, شىمكەنت قالاسىنىڭ اكىمى م.ايتەنوۆتىڭ العىس حاتى «Alliance Buildings» جشس ديرەكتورى ا.كاديروۆقا تاپسىرىلدى.

كەلەسى كەزەكتە ءسوز تىزگى­نىن العان قالالىق ءبىلىم باسقار­ما­سىنىڭ باسشىسى جانات تاجيەۆا جينالعان قاۋىمدى «جۇمىس بەرۋشىلەر كۇنىمەن» قۇتتىقتاپ, جك «ديلبارجون» فيرماسىنىڭ جەتەكشىسى د.ميرياكۋبوۆاعا ءوزىنىڭ اتىنان راحمەتىن ايتىپ, ارنايى العىس حاتپەن ماراپاتتادى.

ءوز كەزەگىندە كوللەدج ديرەك­تورىنىڭ ورىنباسارى ن.ەرعازى «كاسىپورىندارمەن ءوزارا ءىس-قي­مىل جاساۋ ءۇشىن قاجەتتى نەگىزگى نورماتيۆتىك-قۇقىقتىق اكتىلەر» تاقىرىبىندا بايانداما وقىپ بەردى. جيىن بارىسىندا بىرقاتار جۇمىس بەرۋشى مەن كاسىپورىن باسشىلارى كوللەدج ديرەكتورى م.ەلەكەەۆتىڭ العىس حاتىنا يە بولدى. وسى تۇستا كوللەدج جانە جك «ديلبارجون» مەن «يۋگدورستروي» جشس مەكە­مەلەرى اراسىندا ەكىجاقتى مەمو­راندۋمعا قول قويىلدى. جيىن سوڭى كەلگەن قوناقتاردىڭ قۇرمەتىنە دايىندالعان كوللەدج كوركەم ونەرپازدارىنىڭ كونتسەرتىنە ۇلاستى.

وسى كۇنى شاھارداعى پولي­تەح­نيكالىق كوللەدجدە «جۇمىس بەرۋشىلەر» كۇنىن تويلادى. وسىعان وراي قالا اكىمىنىڭ ءبى­رىنشى ورىنباسارى ش.مۇقان مەن ءبىلىم باسقارماسىنىڭ باسشىسى ج.تاجيەۆا اتالعان ءبىلىم ورداسىنا ارنايى باس سۇقتى. مۇندا دا كوللەدجدىڭ تىنىس-تىرشىلىگىمەن تانىسقان شىڭعىس جۇمابەك ۇلى جۇمىس بەرۋشىلەردى كاسىبي مەرەكەلەرىمەن قۇتتىقتاپ, وقۋ-اعارتۋ ءمينيسترى جانە قالا اكىمىنىڭ العىس حاتتارىن تاپسىردى.

«جاستار – ءبىزدىڭ بولاشا­عىمىز. ولارعا قامقورلىق جاساۋ – مەملەكەتتىڭ باستى مىندەتى. ويتكەنى ەلدىڭ ەرتەڭگى ۇستىنى – جاستار. سوندىقتان ولارعا بار جاعدايدى جاساۋىمىز كەرەك. ءبىرىنشى كەزەكتە, ول الەۋمەت­تىك جاعىنان قامسىزداندىرۋ ­ما­سە­­لەسى. وسى ماسەلە شەشىمىن تاپ­سا, دەمەك جاستارعا جاعداي­دىڭ جاسالىپ جاتقاندىعىنىڭ بەلگىسى. بۇل تۇرعىدا مەگاپوليس­تە ماقتاۋعا تۇرارلىق جۇمىس­تار كوپ. كوللەدجدى بىتىرگەن تۇ­لەك­تەر بۇگىندە كاسىپورىنداردا, باسقا دا مەكەمەلەردە قىزمەت اتقارىپ, تۇراقتى جۇمىسپەن قامتىلىپ جاتىر. ءدۋالدى جۇيە دە ءوز ناتيجەسىن بەرۋدە. كوللەدج شاكىرتتەرى تەوريالىق ساباق­پەن بىرگە كاسىپورىننىڭ وزىندە تاجىريبەدەن ءوتىپ, شەبەرلىگىن ارتتىرىپ كەلەدى. بۇل ەرتەڭگى كۇنى دايىن مامان رەتىندە جۇمىس­قا ورنالاسۋ ءۇشىن وتە قاجەت. شەتەلدە كاسىپتىك وقۋ ۇردىسىندە كەڭىنەن قولدانىلاتىن بۇل پراكتيكانى ءبىز دە مۇمكىندىگىنشە پايدالانۋىمىز كەرەك. الەۋمەتتىك قامسىزداندىرۋدىڭ ءبىر تۇرىنە جاستاردى باسپانامەن قامتاماسىز ەتۋ جاعى دا كىرەدى. بۇل تۇرعىدان العاندا رەسپۋبليكانىڭ ءۇشىنشى مەگاپوليسىندە ءبارى دە ويداعى­داي شەشىلۋدە. مەملەكەتتىك باع­دارلاما ارقىلى قانشاما جاس مامان قالادا باسپانالى بولىپ جاتىر. سونىڭ ناتيجەسىندە جاستار تاپقان تابىسىنىڭ ءبىر بولىگىن جيناپ, جەكە باسپاناعا قول جەتكىزۋگە مۇمكىندىك الدى. ءبىر كەزدەرى گۋمانيتارلىق سا­لاعا كوپ ءمان بەرىلدى. وقۋ بىتىر­گەن تۇلەكتەر شەتىنەن ەكونوميست, زاڭگەر بولىپ شىقتى. قا­زىر قوعام وزگەردى. قازاقستان جاڭا كەزەڭگە قادام باستى. ەلدە دامۋدىڭ, ەكونوميكالىق ورلەۋدىڭ ءداۋىرى باستالدى. وسى تۇستا ەلىمىزگە تەحنيكالىق سالا­داعى مامانداردىڭ قاجەت ەكە­نى تۇسىنىكتى. پرەزيدەنت قاسىم-جومارت توقاەۆ تا مەملەكەت بۇدان-بىلاي تەحنيكالىق ماماندىقتارعا ەرەكشە كوڭىل بولەتىنىن, قولداۋ كورسەتەتىنىن قاداپ ايتتى. وسى ارادا كاسىپتىك كوللەدجدەرمەن تىعىز قارىم-قاتىناستا جۇمىس ىستەپ, قولىنا ديپلوم الىپ شىققان تۇلەكتەردى تۇراقتى جۇمىسپەن قامتۋدا ەلەۋ­لى ەڭبەك ءسىڭىرىپ جاتقان جەكەمەن­شىك كاسىپورىندار مەن كومپا­نيالاردىڭ ءرولى مەن قىزمەتىن بولەكشە اتاپ وتكەن ءجون», دەدى قالا اكىمىنىڭ ءبىرىنشى ورىنباسارى.

جالپى, اتالعان كوللەدج­دە بۇگىنگى تاڭدا 63-تەن استام زەرتحانا, كابينەتتەر مەن ءدارىس­حانالار بار. وقۋ ورداسى 350 ورىندى ءماجىلىس زالى, 80 ورىن­دى وقۋ زالى, سپورت زال, مەديتسينالىق پۋنكت, اسحانا مەن 200 ورىندى جاتاقحانا­مەن قامتىلعان. كىتاپحانا قورى 75 458 دانا كىتاپتى قۇرايدى. بۇ­دان بولەك كوللەدج وقىتۋشى­لارى­نىڭ قۇراستىرعان وقۋلىق­تارى مەن كىتاپتارى جارىققا شىعىپ, ستۋدەنتتەر ولاردى وقۋ قۇرالى رەتىندە ساباقتارىندا قولدانىپ كەلەدى. سونداي-اق وقۋ ورنىنىڭ كىتاپحاناسىندا كىتاپتار مەن عىلىمي وقۋلىقتاردى ەلەكتروندى نۇسقاعا جۇكتەۋ جۇمىس­تا­رى قارقىندى جۇرگىزىلىپ جاتىر. شىمكەنت قالاسى بويىنشا 7 كوللەدج «جاس مامان» جوباسىنا ىرىكتەلىپ الىنعان. سونىڭ ىشىندە پوليتەحنيكالىق كوللەدج دە «جاس مامان» جوباسى اياسىندا ەكى ماماندىقتىڭ بىلىكتىلىكتەرى بويىنشا كاسىبي جۇمىسشى­لار­دى دايىنداپ كەلەدى. ولار – «راديوتەحنيكا, ەلەكترونيكا جانە تەلەكوممۋنيكاتسيالار», «تەلەكوممۋنيكاتسيالىق جاب­دىق­تار مەن بايلانىس ارنالارىن ەلەكترومونتاجداۋشى-رەت­تەۋشى», «ەلەكترمەن قامتاماسىز ەتۋ» جانە تەحنيك-ەلەكتريك مامان­دىقتارى.

ايتا كەتكەن ءجون, اتالعان ءبىلىم وشاعىندا قۇقىق بۇزۋشىلىق­تىڭ الدىن الۋ ماقساتىندا كوپتە­گەن ءىس-شارا ۇيىمداستىرىلىپ تۇرادى. سونىڭ ناتيجەسىندە وقۋ-تاربيە پروتسەسى كەزىندە كوللەدج­دە وقۋشىلار اراسىندا قۇقىق بۇزۋشىلىق, قىلمىس جاعداي­لارى بولعان ەمەس. قازىرگى تاڭدا ستۋدەنتتەردىڭ ءاربىر قيمىلىن 48 بەينەكامەرا باقىلاپ وتىرادى. ءوز كەزەگىندە ولاردىڭ بار­لىعى قالالىق پوليتسيا دەپار­تا­­مەنتىنىڭ جەدەل باسقارۋ ورتا­لىعىنا بارىپ تۇسەدى. ءتارتىپ ورناتۋ مەن قاۋىپسىزدىكتى قاداعالاۋ ماقساتىندا مۇندا تۋرنيكەت جانە دابىل باتىرمالارى ورناتىلعان.

بۇدان بولەك 2018 جىلدىڭ 31 مامىرىندا پوليتەحنيكا­لىك كوللەدجi «اككرەديتتەۋ جانە رەيتينگتiك, تاۋەلسiزدiك اگەنت­تiگi» كوممەرتسيالىق ەمەس مەكە­مەسi تاراپىنان حالىقارا­لىك, ينستيتۋتتسيونالدىق جانە كلاس­تەر بويىنشا 7 ماماندىكتىڭ كۋا­لiك يەگەرi اتاندى. سونداي-اق ­كوللەدج ساپا مەنەدجمەنتى بويىنشا 2021 جىلدىڭ 21 قاڭ­تارىندا ءۇش جىلعا جارامدى مەملەكەتتىك تىزىمىندە تىركەلگەن سايكەستىك سەرتيفيكاتىن يەلەن­دى. بۇگىنگى تاڭدا مۇندا 11 مامان­دىق, 19 بىلىكتىلىك بويىنشا تەح­ني­كالىق-كاسىبي ماماندار دايارلانادى. وقۋ ورداسىنىڭ ءبىلىم بايقاۋلارىندا جەتكەن تا­بىس­­تارى دا جوق ەمەس. ماسەلەن, «WorldSkills Shymkent-2021» ۇلت­­تىق چەمپيوناتىنىڭ رەس­پۋب­ليكالىق كەزەڭىندە ۇمىتكەرلەر ىشىنەن العا سۋىرىلىپ شىق­­قان كوللەدج ستۋدەنتتەرى 5 قۇزى­رەت­تىلىك بويىنشا سايىسقا ءتۇستى. ولاردىڭ ەكەۋى الماتى قالا­سىندا, بىرەۋى اتىراۋدا وتكەن ءبىلىم دوداسىندا باقتارىن سىناپ قايتتى. سونىمەن قاتار VI رەسپۋبليكالىق كاسىبي شەبەرلىك چەمپيوناتىندا «اقپاراتتىق كابەلدىك جەلىلەر» قۇزىرەتتىلىگى بويىنشا جارىسقا قاتىسقان ساكەن ۇلجەباەۆ جۇلدەلى ءىى ورىن, بيزنەس ءۇشىن ءىت شەشىمدەر تاقى­رىبىندا مىقتىلارمەن سايىس­قان كونستانتين شەپەلەۆ مەدالون يەسى اتاندى.

شىمكەنت