جاستىق تىسىنىڭ ماتەريالى – اتلاس. ولشەمى: 41ح32 سم. ۇستىڭگى جاعى – اق ماتا. جوعارعى بولىگىنەن ءتۇرلى-ءتۇستى جىپتەرمەن كەستەلەنىپ, ولەڭمەن ءورىلىپ جازىلعان تىلەكتى وقۋعا بولادى:
«ابزال اعا, سابەم!
جاساي بەر ابزال اقىن مۇدىرمەستەن,
بالاسى سارىارقانىڭ قىرىندا وسكەن.
زور تۇلعاڭ عاسىرلارمەن قاتار سامعاپ,
سان ۇرپاق شىعارماسىن جىرىڭدى
ەستەن!
ءامينا. 14.11.1960».
ال تومەنگى جاعىنا تۇمسىعىنا قۇتتىقتاۋ حاتتى ءىلىپ الىپ, ۇشىپ بارا جاتقان تاۋىس قۇسىن, سونىمەن قاتار ورماننىڭ ادەمى جانۋارى – قوس بۇعى, گۇلدەر بەينەلەنگەن. جاستىقشانىڭ استىڭعى جاعى بىركەلكى جاسىل ءتۇستى ماتا.
ساحناداعى عاجايىپ ونەرىنەن بولەك, ءامينا اپانىڭ ون ساۋساعىنان ونەر تامعان شەبەر, ىسمەرلىگى بار بولعانىن, «جول تاپتىم بار قازاقتىڭ جۇرەگىنە» دەگەن جازۋشىعا ەرەكشە قۇرمەتىن وسى دۇنيەسىنەن دە بايقاۋعا بولادى. «قازاق اتتى قاسيەتتى دە كيەلى حالىقتىڭ قاراپايىم قىزى ءامينا اپايدىڭ ءجۇرىپ وتكەن ءومىر جولى – ۇلاعاتتى دا ۇلىق, ورامدى دا ورايلى نۇرلى جول», دەپ كسرو-نىڭ جانە قازاقستاننىڭ حالىق ءارتىسى, قازاقستاننىڭ ەڭبەك ەرى ءاسانالى ءاشىموۆ از سوزبەن تەرەڭ ماعىنالى تاماشا پىكىر بىلدىرگەن بولاتىن.
نازگۇل التاەۆا,
س.مۇقانوۆ پەن ع.مۇسىرەپوۆتىڭ ادەبي-مەموريالدىق مۋزەي كەشەنى عىلىم ءبولىمىنىڭ جەتەكشىسى
الماتى
