ەرەك داۋسىمەن ەلدىڭ ەرەن قوشەمەتىنە بولەنگەن انشىگە لوندونداعى كوۆەنت-گاردەن كورولدىك وپەراسى, نيۋ-يوركتەگى مەتروپوليتەن وپەراسى, ۆەنا مەملەكەتتىك وپەراسى مەن ميلان لا سكالاسى, ۇلكەن تەاتر مەن ماريا تەاترلارى دا ريزاشىلىقپەن قول سوققان. نەبىر كۇردەلى وپەرالاردى ناشىنە كەلتىرىپ شىرقايتىن ءانشى داڭق پەن ماراپاتتاردان دا كەندە ەمەس.
حيبلا گەرزماۆا الماتىدا باس ديريجەر ارمان ورازعاليەۆتىڭ جەتەكشىلىگىندەگى Astana Ballet وركەسترىنىڭ سۇيەمەلدەۋىمەن تەاتر سالتاناتى مەن پوەزيانى قوسا پاش ەتەتىن يتالياندىق وپەرا جاۋھارلارىن ورىندادى.
دەگەنمەن ونىڭ الماتىعا كەلۋىنە ء«سابي» قورى مەن تانىمال زەرگەرلىك برەند سەبەپشى بولعانىن ايتا كەتۋ كەرەك. ويتكەنى وسى كونتسەرتتەن تۇسكەن بارلىق قاراجات – اتىراۋ قالاسىندا شۇعىل بالالار حيرۋرگياسى بولىمشەسىنىڭ قۇرىلىسىنا سالىنادى.
ء«سابي» قورى قۇرىلعالى بەرى مەديتسينا سالاسىنىڭ مۇقتاجدىقتارىنا بولىسىپ كەلەدى. 2018 جىلى ءبىزدىڭ جوبا – بالالار شۇعىل حيرۋرگياسىنىڭ قۇرىلىسىنا مۇرىندىق بولعان ەدى. مەديتسينالىق بلوكتاردى جوعارى تەحنولوگيالىق زاماناۋي جابدىقتارمەن تولىق جابدىقتاۋ – قىمبات ۋاقىتتى جوعالتپاي, وڭىردە بىرەگەي وتالار جۇرگىزۋگە مۇمكىندىك بەرىپ, دەر كەزىندە كورسەتىلگەن كومەك بالالار مۇگەدەكتىگىن ايتارلىقتاي ازايتۋعا سەپتەسەدى. قازىرگى ۋاقىتتا ء«سابي» قورى اقتاۋ, سەمەي, الماتى قالالارىندا شۇعىل حيرۋرگيالىق كومەك بولىمشەلەرىن اشتى. بيىلعى اقپان ايىندا BVLGARI زەرگەرلىك-ساعاتتىق ءۇيىنىڭ قولداۋىمەن پەتروپاۆلدا زاماناۋي مەديتسينالىق بلوك سالدى», دەيدى ء«سابي» قايىرىمدىلىق قورىنىڭ پرەزيدەنتى اسەل تاسماعامبەتوۆا.
«نەلىكتەن ءبىز بۇل ء«سابي» قورىنىڭ جوباسىن ەكى جىل بويى قولداپ كەلەمىز؟ Bvlgari ءۇيى ساۋاپتى ىستەرمەن بەلسەندى اينالىساتىن جوعارى الەۋمەتتىك جاۋاپكەرشىلىككە يە. 13 جىل ىشىندە ارنايى توپتاماداعى كۇمىس زەرگەرلىك بۇيىمداردى ساتۋدان تۇسكەن قاراجاتتىڭ ارقاسىندا 2 ميلليوننان استام بالانىڭ العىسىن الدىق. ولاردىڭ كوكەيكەستى كەلەشەگىن قامتاماسىز ەتۋ ءۇشىن, ءبىلىمى مەن كاسىبي وقۋىنا قاراجات جينادىق. ال قازاقستانداعى ء«سابي» قورى بالالاردىڭ دەنساۋلىعىنا قارايلاسادى. بۇل دا بىزگە جاقىن», دەيدى Bvlgari توبىنىڭ ۆيتسە-پرەزيدەنتى لەليو گاۆاتستسا.
الماتى
