وزبەكستان پرەزيدەنتى جولداعان جەدەلحاتتا 30 جىلدىق سەرىكتەستىكتىڭ ماڭىزى جونىندە جازىلعان. شاۆكات ميرزيوەۆ قوس ەل اراسىنداعى دوستىق بايلانىس نىعايا تۇسكەنىنە نازار اۋدارعان.
«سوڭعى جىلدارى ءبىزدىڭ بايلانىسىمىز ءوزارا سەنىم مەن قولداۋ, زور قۇرمەت جانە تاتۋ كورشىلىك قارىم-قاتىناس, سونداي-اق ستراتەگيالىق سەرىكتەستىك پەن وداقتاستىق قاعيداتتارىنا ساي قارقىندى دامىپ كەلەدى. جوعارى دەڭگەيدەگى اشىق, كونسترۋكتيۆتى ءارى بەلسەندى ديالوگ, سونداي-اق مەملەكەتارالىق جانە ۇكىمەتارالىق قارىم-قاتىناستاردى رەتتەيتىن ءتيىمدى پراكتيكالىق مەحانيزمدەر ءبىزدىڭ ءوزارا ىنتىماقتاستىعىمىزدى نىعايتۋعا بەرىك نەگىز بولاتىنىن اتاپ وتكىم كەلەدى», دەلىنگەن قۇتتىقتاۋ جەدەلحاتىندا.
سونىمەن قاتار وزبەكستان پرەزيدەنتى شاۆكات ميرزيوەۆ 21-23 قاراشا كۇندەرى ءوتىپ جاتقان وزبەكستاننىڭ قازاقستانداعى مادەنيەت كۇندەرى تاريحى ورتاق باۋىرلاس حالىقتاردىڭ دوستىق بايلانىسىن كۇشەيتە تۇسەتىنىن ايتا كەلىپ, بىرلەسكەن شارالار ەكى ەلدىڭ كوپجاقتى قارىم-قاتىناسىن جاڭا دەڭگەيگە كوتەرەتىنىنە سەنىم ءبىلدىردى.
