كۇنى كەشە عانا اتالعان جارىستا قازاقستاننىڭ تۋى استىندا كىمدەردىڭ ونەر كورسەتەتىنى بەلگىلى بولدى. ەرلەر اراسىندا ابزال اجىعاليەۆ, ءادىل عالياحمەتوۆ, دەنيس نيكيشا, نۇرتىلەك قاجىعالي, ەركەبۇلان شامۇحانوۆ جانە سانجار جانىسوۆ ەل نامىسىن قورعاسا, ايەلدەر سايىسىندا ولگا تيحونوۆا, يانا حان, ءمادينا جانبوسىنوۆا, اناستاسيا استراحانتسەۆا, الينا اجىعاليەۆا جانە اليونا ۆولكوۆيتسكايا ونەر كورسەتەدى. ولاردىڭ دەنى – حالىقارالىق ءىرى جارىستاردا جۇلدە الىپ جۇرگەن ساقا سپورتشىلار. سول سەبەپتى دە ءبىز الاتاۋ باۋرايىندا وتەتىن اسا جاۋاپتى جارىستا ءوز جەرلەستەرىمىزدەن جارقىن جەڭىستەر كۇتەمىز.
ەستەرىڭىزگە سالا كەتەيىك, الەم كۋبوگىنىڭ العاشقى كەزەڭى بيىل كانادانىڭ مونرەال قالاسىندا ءوتتى. ۇيەڭكى جاپىراقتار ەلىندە قازاقستاننىڭ ەرلەر قۇراماسى كوماندالىق ەستافەتادا كۇمىس مەدالدى يەلەندى. ەكىنشى كەزەڭدى اقش-تىڭ سولت-لەيك-سيتي قالاسى قابىلدادى. ول جەردە ءۇش بىردەي ورەنىمىز جەڭىس تۇعىرىنا كوتەرىلدى. اتاپ ايتساق, ابزال اجىعاليەۆ (500 مەتر) پەن دەنيس نيكيشا (500 مەتر) كۇمىس السا, ءادىل عالياحمەتوۆ (1000 مەتر) قولا مەدال يەلەندى.
اتالعان جارىستىڭ بەسىنشى كەزەڭى 3-5 اقپان ارالىعىندا گەرمانيانىڭ درەزدەن قالاسىندا ۇيىمداستىرىلادى. سودان ءدال ءبىر اپتا وتكەن سوڭ نيدەرلاندتىڭ دوردرەحت شاھارىندا فينالدىق سايىستار وتەدى. ال 10 ناۋرىزدا وڭتۇستىك كورەيانىڭ استاناسىندا الەم چەمپيوناتىنىڭ جالاۋى جەلبىرەيدى.
