اۋداندىق ورتالىق اۋرۋحانانىڭ باس دارىگەرى جايدار ايتىشەۆتىڭ ايتۋىنشا, ءوڭىر بويىنشا 56 334 ادام تىركەۋدە تۇر. ال شالعاي اۋىلداردا تۇراتىن قاراشا حالىقتى قولجەتىمدى مەديتسينالىق قىزمەتپەن قامتاماسىز ەتۋ ءۇشىن جىلجىمالى مەديتسينالىق كەشەن اۋىلدارعا ءجيى شىعادى.
ء«بىزدىڭ جمك ۋلترادىبىستى اپپارات, رەنتگەن اپپاراتى, گينەكولوگيالىق كرەسلو, وفتالموسكوپ, وتوسكوپ, كوز تونومەترى, بيوحيميالىق اناليزاتور, ەلەكتروكارديوگراف, گليۋكومەتر, كواگۋلومەتر, پۋلسوكسيمەترمەن جادبىقتالعان. كەستەگە سايكەس اۋىلدارعا ءتىس دارىگەرى, كوز دارىگەرى, اكۋشەر-گينەكولوگ, حيرۋرگ, تەراپەۆت جانە ۋلترادىبىستى قۇرىلعى ماماندارى بارىپ تۇرادى. 2022 جىلدىڭ 10 ايىندا جمك ارقىلى مەديتسينالىق كومەكپەن 28 081 ادام قامتىلدى, ونىڭ ىشىندە 15 544-ءى – بالالار. سونداي-اق 8 810 دياگنوستيكالىق زەرتتەۋلەر جاسالدى. ناتيجەسىندە, 1 418 ناۋقاس انىقتالدى. ولاردىڭ 125-ءىنىڭ قان اينالىمى جۇيەسىندە ماسەلە تۋىنداسا, 11 ازاماتتان قانت ديابەتى انىقتالعان. قالعانى – باسقا اۋرۋلار. جالپى, 163 ادام ديسپانسەرلىك ەسەپكە الىندى», دەيدى ج.ايتىشەۆ.
بۇگىنگى تاڭدا جەرگىلىكتى تۇرعىندار 30 دەنساۋلىق ساقتاۋ نىسانىنا قايىرىلا الادى. اۋداننىڭ مەديتسينا سالاسىندا 150 توسەكتىك ورتالىق اۋرۋحانا, 250 كەلۋشىگە ارنالعان كونسۋلتاتيۆتىك-دياگنوستيكالىق ەمحانا, وتباسىلىق دەنساۋلىق ورتالىعى, 14 وتباسىلىق دارىگەرلىك امبۋلاتوريا, سونداي-اق 6 فەلدشەرلىك-اكۋشەرلىك جانە 7 مەديتسينالىق پۋنكت بار.
ج.ايتىشەۆتىڭ ايتۋىنشا, وسى جىلى اۋداندىق ەمدەۋ مەكەمەلەرىنىڭ شتاتى جاڭادان 10 دارىگەرمەن تولىققان ەكەن. «ديپلوممەن – اۋىلعا!» مەملەكەتتىك باعدارلاماسى اياسىندا اۋداندا 6 جاس مامان ەڭبەك ەتۋدە.
جامبىل وبلىسى,
شۋ اۋدانى
