ال ەلەكتوراتتىڭ 70 پايىزعا جۋىعى قاتىسۋى ساراپشىلاردىڭ بولجامىنا سايكەس كەلەدى. ارينە, حالىقتىڭ ق.توقاەۆتىڭ جەڭىسىنە سەنىمى, ءىرى قالالارداعى ءداستۇرلى ەنجارلىق, اۋا رايىنىڭ سالقىندىعى سايلاۋ بەلسەندىلىگىنە اسەر ەتۋى مۇمكىن ەدى. بىراق, جالپى العاندا, سايلاۋ ناتيجەسى ازاماتتاردىڭ توقاەۆتىڭ ساياسي جانە ەكونوميكالىق ۋادەلەرىنە دەگەن ۇلكەن ءۇمىتىن كورسەتەدى.
جالپى, الداعى جەتى جىلدا ق.توقاەۆتىڭ سايلاۋالدى باعدارلاماسى جۇزەگە اسادى, قوعام ومىرىنە جانە ەكونوميكانىڭ جەتەكشى سالالارىندا تۇبەگەيلى وزگەرىستەر بولادى. ايماقتىق ماسەلەلەرگە ەرەكشە كوڭىل بولىنەدى. مەملەكەت باسشىسى وڭىرلەرگە جاساعان ساپارلارىندا جەرگىلىكتى جەردەگى وزەكتى ماسەلەلەردى ايتىپ, ولاردى شەشۋدىڭ ناقتى جولدارىن ۇسىندى.
وسى ناۋقان بارىسىندا پرەزيدەنت جاقسى قارىم-قاتىناس داعدىسىن كورسەتتى. ول تۇرعىنداردىڭ ءتىلىن تاۋىپ, ءار ەلدى مەكەننىڭ جاعدايىن سەنىمدى تۇردە تۇسىنەتىنىن كورسەتتى, ولاردىڭ قيىندىقتارى مەن ءوسۋ تۇستارىن انىقتادى. بۇل – مەملەكەتتىك باسقارۋدىڭ بۇكىل دەڭگەيىندە قابىلدانۋعا ءتيىس اشىق كوممۋنيكاتسيا ۇلگىسى.
رەفورمالاردىڭ ماقساتتارى مەن مىندەتتەرى تۋرالى ورتاق تۇسىنىك, سونداي-اق ءاربىر نەگىزگى باعىت بويىنشا دايەكتى ءىس-شارالار جوسپارى بار. ق.توقاەۆتىڭ ساياسي جانە تاريحي مۇراسى وسى جوسپاردىڭ ءساتتى جۇزەگە اسۋىنا بايلانىستى بولماق.
باقىتجان قۇرمانوۆ,
ساياساتتانۋشى, PhD
