الايدا, قازىر اتالعان زاۋىتتا جوسپارلى جوندەۋ جۇمىستارى جۇرگىزىلىپ جاتىر. سوعان بايلانىستى گاز جەتكىزۋ كولەمى 35 پايىزعا قىسقارىپ, 3 785,161 توننانى قۇراعان. «اتىراۋ مۇناي وڭدەۋ زاۋىتى» جشس-نىڭ مالىمەتىنشە, جوسپارلى جوندەۋ جۇمىستارىن جۇرگىزۋ كەزىندە اتالعان زاۋىتتان تاۋلىگىنە 90 توننا گاز جەتكىزىلسە, 6 قاراشادان بەرى بۇل كورسەتكىش – 60 توننا. بۇل اۆتوگاز قۇيۋ ستانسالارىنداعى گاز تاپشىلىعى قالىپتاسۋىنىڭ بىردەن-ءبىر سەبەبىنە اينالدى. ەندى زاۋىتتا 19-25 قاراشا ارالىعىندا بولجامدى گاز ءوندىرىسى تاۋلىگىنە 800 توننانى قۇرايتىن بولادى.
كاسىپورىننىڭ ءباسپاسوز قىزمەتى ۇسىنعان اقپاراتقا قاراعاندا, ءونىم وندىرۋگە قاتىستى وندىرىستىك باعدارلاما اي سايىن جاساقتالادى. زاۋىتتا جۇرگىزىلىپ جاتقان جوسپارلى الدىن الۋ, جوندەۋ جۇمىستارى ەسكەرىلە وتىرىپ جاساقتالعان وندىرىستىك باعدارلاما بار. سوعان سايكەس, 1-8 قاراشا ارالىعىنداعى سۇيىتىلعان مۇناي گازىن ءوندىرۋ كولەمى 427 توننانى قۇراعان. ال 9 قاراشاداعى كورسەتكىش بويىنشا 640 توننا سۇيىتىلعان مۇناي گازى ءوندىرىلىپ, تۇتىنۋشىعا جونەلتىلگەن. بۇل – جوسپارلانعان كورسەتكىشتەن 212 تونناعا ارتىق.
«سۇيىتىلعان مۇناي گازىن ءوندىرۋ كولەمىن ارتتىرۋ جوندەۋ جۇمىستارى كەزىندە وبلىستا گاز دەفيتسيتىن بولدىرماۋ ءۇشىن جاسالعان. بۇعان قوسىمشا وبلىستى سۇيىتىلعان مۇناي گازىمەن قامتاماسىز ەتۋ ءۇشىن 9 قاراشادان باستاپ «پحسنگ» جشس-دا قازان ايىنان بەرى زاۋىتتىڭ تەحنيكالىق قاجەتتىلىكتەرى ءۇشىن ساقتاۋلى تۇرعان 270 توننا سمگ جونەلتىلە باستادى. قازان-قاراشا ايىنا جوسپارلانعان گاز ءوندىرۋ كولەمى جونىندە ء«اموز» جشس جوندەۋ جۇمىستارى باستالماس بۇرىن ەنەرگەتيكا مينيسترلىگى مەن اتىراۋ قالاسىنىڭ اكىمدىگىنە رەسمي تۇردە حابارلادى», دەپ اقپارات تاراتتى زاۋىتتىڭ ءباسپاسوز قىزمەتى.
ارينە, اۆتوگاز تاپشىلىعى جەرگىلىكتى اكىمدىك پەن ەنەرگەتيكا مينيسترلىگىنىڭ نازارىنان تىس قالعان جوق. ولار اتىراۋ وبلىسىنىڭ تۇتىنۋشىلارىنا گاز جەتكىزۋدى تۇراقتاندىرۋ ءۇشىن ۇيىمداستىرۋ جۇمىسىن جۇرگىزۋدى قولعا الدى. ماسەلەن كورشىلەس اقتوبە وبلىسىنداعى «Gas Processing» كومپانياسىنان 400 توننا, «قازاقويل اقتوبە» كومپانياسىنان 700 توننا گاز جەتكىزۋ جوسپارلانىپ وتىر. ەنەرگەتيكا مينيسترلىگى اتىراۋ جانە باتىس قازاقستان وبلىستارىن اۆتوگازبەن ۇزدىكسىز قامتاماسىز ەتۋ ءۇشىن سۇيىتىلعان مۇناي گازىنىڭ قوسىمشا كولەمىن ءبولۋ بويىنشا جۇمىس جۇرگىزۋدى قولعا الدى.
«اتىراۋ وبلىسىنا قاراشا ايىنا «قازاقويل – اقتوبە» جشس, «Gas Processing Company» جشس مەن «سنپس-اقتوبەمۇنايگاز» اق قوسىمشا 2 108 توننا ءبولدى. ونىڭ ىشىندە 16 قاراشادا 521 تونناسى جەتكىزىلدى. باتىس قازاقستان وبلىسىنا قاراشا ايىنا «سنپس-اقتوبەمۇنايگاز» اق-دان قوسىمشا 504 توننا ءبولىندى. ورال قالاسىندا ورنالاسقان «جايىقمۇناي» جشس-مەن كۇن سايىن ايىرباستاۋ نەگىزىندە كەمىندە 60 توننا سۇيىتىلىعان مۇناي گازىن تيەپ-جونەلتە وتىرىپ, قوسىمشا 400 توننا ءبولۋ تۋرالى ۋاعدالاستىققا قول جەتكىزىلدى. بۇل اتىراۋ مۇناي وڭدەۋ زاۋىتى تولىق جۇمىس رەجىمىنە شىققاننان كەيىن وتەلەتىن بولادى», دەپ حابارلادى مينيسترلىكتىڭ ءباسپاسوز قىزمەتى.
سونداي-اق ەنەرگەتيكا مينيسترلىگى «تەڭىزشەۆرويل» جشس باسشىلارىمەن باتىس قازاقستان جانە اتىراۋ وبلىستارىنا 1 600 توننادان قوسىمشا سۇيىتىلعان مۇناي گازىن ءبولۋ تۋرالى كەلىسىم جاسادى. قازىر سۇيىتىلعان مۇناي گازىن وتكىزۋشى سۋبەكتىلەر ەنەرگەتيكا مينيسترلىگى بولگەن گاز كولەمىنە جوعارىدا اتالعان زاۋىتتارمەن كەلىسىمشارت جاساپ جاتىر.
«قازمۇنايگاز» ۇك» اق اقپاراتىنا سايكەس, اتىراۋ مۇناي وڭدەۋ زاۋىتىندا اعىمداعى جوندەۋ جۇمىستارىن جۇرگىزۋ ءۇشىن 7-14 قاراشا ارالىعىندا سۇيىتىلعان مۇناي گازىن ساقتاۋ پاركىنە ايداۋدى توقتاتىلعان. بۇل زاۋىت تولىق جۇمىس رەجىمىنە 28 قاراشادا شىعاتىنى جوسپارلانىپ وتىر. الايدا 23 قاراشادان باستاپ قوندىرعىلاردى كەزەڭ-كەزەڭىمەن ىسكە قوسۋ جونىندە قابىلدانعان شارالار تاۋلىگىنە 600 توننا سۇيىتىلعان مۇناي گازىن وندىرۋگە مۇمكىندىك بەرەدى. بۇل ءونىم سۇيىتىلعان مۇناي گازىنىڭ جەتىسپەۋشىلىگىن بولدىرماۋعا باعىتتالادى.
اتىراۋ وبلىسى
