جاڭا فورماتقا سايكەس پرەزيدەنت ءبىر مەرزىمگە 7 جىلعا عانا سايلانادى. مۇنىڭ بارىنە قازاقستان حالقى جالپىۇلتتىق رەفەرەندۋم كەزىندە قولداۋ كورسەتتى. ەكىنشىدەن, مەملەكەت باسشىسى قاسىم-جومارت توقاەۆتىڭ 2019 جىلدان بەرگى ساياسي رەفورمالارى اياسىندا جۇزەگە استى. ياعني پرەزيدەنتتىڭ وكىلەتتىلىگىن شەكتەۋ, سۋپەرپرەزيدەنتتىك بيلىكتەن تولىق كلاسسيكالىق جۇيەگە ءوتۋ.
بۇل سايلاۋدىڭ تاعى ءبىر ەرەكشەلىگى – جالپى ەلىمىزدەگى ساياسي رەفورمالار اياسىنداعى دەموكراتيالاندىرۋ ۇدەرىسىنىڭ كەڭ قۇلاش جايۋى. كۇنى كەشە وتكەن ۇمىتكەرلەر اراسىنداعى تەلەدەباتتا سايلاۋشىلار تىكەلەي ەفيردە, الدىن الا سۇراقتار جىبەرۋ ارقىلى اشىق سۇراقتارىن قويۋعا مۇمكىندىك الدى. سايلاۋ ۇدەرىسىندەگى تاعى ءبىر وڭ وزگەرىس – بايقاۋشىلاردىڭ كوپتەپ قاتىسۋى. بۇل ەلىمىزدەگى ازاماتتىق پوزيتسياسى بار بەلسەندىلەردىڭ ساياسي مادەنيەتىنىڭ جوعارىلاۋىن كورسەتەدى.
جەتى جىلدىق مەرزىمنىڭ باستى ارتىقشىلىعى – باستالعان رەفورمانى تۇپكىلىكتى اياقتاۋعا مۇمكىندىك بەرەدى. سونداي-اق ساياسي مونوپوليانى جويۋعا باعىتتالعان. ءبىر تۇلعانىڭ كوپ جىل بيلىكتە وتىرۋىنا, وليگوپوليانىڭ, وليگارحيانىڭ قانات جايۋىنا توسقاۋىل قويادى. سونىمەن قاتار ەلدىڭ تۇراقتىلىعى مەن بىرلىگىنە باستى كەپىل بولاتىن تەتىكتەردىڭ ءبىرى. اسىرەسە, قازىرگىدەي گەوساياسي احۋال ورشىگەن تۇستا وسىنداي تۇراقتىلىقتى قامتاماسىز ەتۋ ءۇشىن جەتى جىلدىق مەرزىم وزەكتىلىگىن كورسەتەدى.
كەز كەلگەن ۇمىتكەر پرەزيدەنت بولعاننان كەيىن ءوزىنىڭ سايلاۋالدى باعدارلاماسىن جۇزەگە اسىرۋعا دەن قويادى.
ويتكەنى ول ەكىنشى مەرزىمگە دايىنداۋعا ۋاقىت جوعالتپاي, ءوزى باستاعان رەفورمالاردى تابىستى جۇزەگە اسىرۋعا دەن قويادى
قازبەك مايگەلدينوۆ,
ۇلتتىق قۇرىلتاي مۇشەسى, ساياساتتانۋشى
