بوز كىلەمگە العاشقى بولىپ ايەلدەر كۇرەسىنىڭ وكىلدەرى شىقتى. بۇل باسەكەلەردە قازاق ەلى نامىسىن ءتورت سپورتشىمىز قورعادى. ءبىر كەرەمەتى, ولاردىڭ بارلىعى دا جەڭىس تۇعىرىنا كوتەرىلدى. اتاپ ايتساق, ءمادينا (68 كيلو) مەن ءجاميلا باقبەرگەنوۆالار (72 كيلو) التىننان القا تاقتى. بيىل كوكتەمدە بۇل بالۋانداردىڭ ەكەۋى دە ازيا چەمپيوناتىندا باس جۇلدەنى ولجالاپ, بارشا قازاق جانكۇيەرىن قۋانتقان ەدى. ودان بولەك, ءجاميلانىڭ الەم چەمپيوناتىنىڭ ەكى دۇركىن كۇمىس جانە يسلام ىنتىماقتاستىعى ويىندارىنىڭ قولا جۇلدەگەرى دەگەن اتاقتارى بار. بيىلعى ماۋسىمنىڭ قورىتىندىسىندا ول ءوز سالماق دارەجەسىندە دۇنيەجۇزىلىك رەيتينگتە كوش باستادى. ال مارينا سەدنەۆا (55 كيلو) كۇمىس مەدالدى يەلەنسە, التىن شاعاەۆا (53 كيلو) قولا جۇلدەنى قورجىنعا سالدى.
ەندى ءبىز ەركىن كۇرەس شەبەرلەرىنىڭ بەلدەسۋلەرىن تاماشالايمىز. بۇل جارىستا قازاقستاننىڭ 17 بالۋانى كۇش سىناسادى.
