بۇعان دەيىن الەمدەگى ەڭ بەلدى پروموۋشەندە 34 جاستاعى قانداسىمىز بەس باسەكە وتكىزىپ, سونىڭ تورتەۋىندە ۇتىلعان. بۇل جارىستا وعان شەگىنەرگە جول جوق ەدى. ونىڭ قارسىلاسى دا وسال ەمەس. 31 جاستاعى اقش سپورتشىسى مما-نى سەرىك ەتكەلى بەرى 14 رەت وكتاگونعا شىعىپ, سونىڭ 11-ءىن ءوز پايداسىنا شەشتى. بۇل جولى جۇماعۇلوۆ جەڭىسكە جەتۋ ءۇشىن بارىن سالدى. سىرت كوزگە ونىڭ ءسال بولسا دا, باسىمدىعى بايقالدى. بىراق تورەشىلەردىڭ شەشىمى مۇلدە باسقاشا بولدى. ولار دجونسوندى جەڭىمپاز دەپ جاريالادى. وسىلايشا, قازاق سپورتشىسى بۇل پروموۋشەندە بەسىنشى رەت جەڭىلىس تاپتى. باسەكە اياقتالعان بەتتە باق وكىلدەرىنە بەرگەن سۇحباتىندا جالعاس: «ەڭبەگىمنىڭ ءبارى ەش كەتتى. بارىنەن دە شارشادىم. ەندى توبەلەسكىم كەلمەيدى. بۇل ءسوزدى مەن ەموتسيامەن ايتىپ وتىرعان جوقپىن. ءوزىم سونداي شەشىمگە كەلدىم. مەنىڭ تىلەۋىمدى تىلەپ, جانكۇيەر بولعان جۇرتقا العىسىم شەكسىز. بارلىقتىرىڭىزدى دا قۇشاعىما قىستىم», دەدى.
