«بۇگىن مەن كونستيتۋتسيالىق قۇقىقتارىمدى پايدالانىپ, ازاماتتىق بورىشىمدى ورىندادىم – پرەزيدەنت سايلاۋىنا قاتىستىم. ءبىز العاش رەت جەتى جىلدىق كەزەڭگە پرەزيدەنتتى تاڭدايمىز. سوندىقتان بۇگىن ەلىمىزدىڭ الداعى جەتى جىلعا ارنالعان ەڭ ماڭىزدى دامۋ باعىتتارى ايقىندالاتىن بولادى», دەدى اكىم جۋرناليستەرگە.
ونىڭ پىكىرىنشە, الماتى وبلىسىنىڭ تۇرعىندارى بەلسەندى داۋىس بەرۋدە.
«مەنىڭ ويىمشا, سايلاۋ ۋچاسكەلەرى بويىنشا الماتى وبلىسىنىڭ تۇرعىندارى بۇگىن تاڭەرتەڭنەن باستاپ وتە بەلسەندى داۋىس بەرىپ جاتىر», دەدى ءوڭىر باسشىسى.
ايتا كەتسەك, الماتى وبلىسىنىڭ اۋماعىندا بارلىعى 606 سايلاۋ ۋچاسكەسى اشىلدى. ولار سايلاۋ كۇنى جەرگىلىكتى ۋاقىت بويىنشا 07:00-دەن 20:00-گە دەيىن جۇمىس ىستەيدى.
