قازىر جوبانىڭ ۆەدومستۆودان تىس ساراپتاماسىنىڭ وڭ قورىتىندىسى الىندى. قۇرىلىس-مونتاجداۋ جۇمىسىنا مەردىگەرلىك ۇيىمدى انىقتاۋ بويىنشا كونكۋرستىق راسىمدەر جۇرگىزىلۋدە. ايتا كەتۋ كەرەك, بۇل اۋماقتا ەكوپارك سالۋ قالا تۇرعىندارى مەن جاقىن ماڭداعى ۇيلەردىڭ تۇرعىندارىنا دەمالۋعا جانە تابيعات اياسىندا سەرۋەندەۋگە مۇمكىندىك بەرەدى.
سول سياقتى جاسىل جەلەك بويىندا جاياۋ جۇرگىنشىلەرگە ارنالعان ينفراقۇرىلىم سالىناتىن بولادى, وعان قۇم-قيىرشىق تاس قوسپاسىن پايدالانۋ جوسپارلانىپ وتىر. ساياباقتىڭ ديزاينى مەن ونىڭ ەلەمەنتتەرىنە ەرەكشە ءمان بەرىلەدى. قورشاعان ورتاعا زيانى تيمەيتىن تابيعي ماتەريالدار پايدالانىلادى, ال بۇل ەكوۋربانيزمگە سايكەس كەلەدى.
اباتتاندىرۋ بارىسىندا تابيعي جاعدايلارعا, ويىن الاڭدارىنا جانە تابيعي ماتەريالداردان جاسالعان شاعىن ساۋلەت نىساندارىنا كوڭىل بولىنەدى. 12 مىڭنان استام ءىرى اعاش پەن جاسىل جەلەك وتىرعىزۋ جوسپارلانىپ وتىر, سول سياقتى اۋماقتى كوگالداندىرۋعا دا ەرەكشە نازار اۋدارىلاتىن بولادى.
كىشى تالدىكولدىڭ ىرگەلەس اۋماعى يگەرىلەدى. وندا مەكتەپتەر, مەديتسينالىق ورتالىق, تۇرعىن ۇيلەر, بالاباقشا سياقتى الەۋمەتتىك نىساندار ورنالاسادى.
ال تالدىكولدە (ۇلكەن تالدىكول) ەكولوگيالىق ينفراقۇرىلىم ماسەلەسىنە نازار اۋدارىلادى. ۇلكەن تالدىكول كولىنىڭ جانىندا قورىق جانە ورمان-ساياباق ايماعى بار ەلدەگى العاشقى تابيعي پارك اشىلادى.
