قىسقاسى, كۇن تارتىبىنەن تۇسپەي كەلە جاتقان وسى ماسەلەگە وراي مەملەكەت باسشىسى قاسىم-جومارت توقاەۆ تا الماتى ساپارىندا: «الماتىدا 2030 جىلعا دەيىن 2,5 ميلليون اعاش وتىرعىزۋ جوسپارلانىپ وتىر. ەڭ باستىسى, اباتتاندىرۋ جۇمىستارى كەرەكتى سۋدىڭ قولجەتىمدىلىگى مەن قالا جوسپارىن ەسكەرە وتىرىپ, مازمۇندى ءارى بىركەلكى جۇرگىزىلۋى كەرەك. الماتىدا 136 ساياباق بار. ولاردىڭ قاتارىن كوبەيتىپ, اباتتاندىرۋ جۇمىستارىن جوسپارلى تۇردە جۇرگىزۋ كەرەك» دەگەنىن ەل ەستىدى.
وسى ورايدا الماتىنىڭ دامۋىنا بەيجاي قارامايتىن بەلسەندى ادامدار مەن قالا بيلىگىنىڭ ارقاسىندا الماتىنىڭ حالىقارالىق كودى – ALA باق تۇرىندە پايدا بولدى. ەندىگى جەردە الىپ ALA باعى قۇس قاناتى تالاتىن اسپان كوگىنەن عانا ەمەس, عارىشتان دا مەنمۇندالاپ كورىنىپ تۇرماق.
ايتقانداي, ALA ۋاقىت وتە جايقالا تۇسەتىن كوشەتتەرمەن جازىلعان ەڭ ۇلكەن ءسوز بولعاندىقتان, گيننەس الەمدىك رەكوردتار كىتابىنا ەنۋدەن دە دامەلى. ويتكەنى ارىپتەر بەينەسىندەگى مۇنداي الىپ باق بۇرىن-سوڭدى وتىرعىزىلماعان كورىنەدى.
سونىمەن 3,36 گەكتاردى الىپ جاتقان اۋماققا بيىكتىگى 2 مەتردەي بولاتىن قىلقان جاپىراقتى ارشانىڭ 2500 ءتۇپ كوشەتى وتىرعىزىلدى.
بۇل باق الماتىنىڭ الاتاۋ اۋدانىنىڭ سولتۇستىك باعىتىنداعى سانيتارلىق-قورعاۋ ايماعىندا, ب.مومىش ۇلى مەن موڭكە كوشەلەرىنىڭ قيىلىسىنا ورنالاستى. جاڭا باق – الماتىنىڭ بۇگىنگى حالقىنىڭ كەلەشەككە قالدىرعان سالەمدەمەسى دەۋگە دە بولادى. ولار جىل وتكەن سايىن قۇلاشىن كوككە جايىپ, قالانىڭ اۋاسىنا ءدارۋ بولاتىنى ءسوزسىز.
ال ەندى اتالعان باقتىڭ اۆتورى – جاستايىنان تالاي ساۋاپتى ىسكە مۇرىندىق بولىپ كەلە جاتقان قوعام قايراتكەرى, بۇعان دەيىن دە 193 مەملەكەتتى بىرىكتىرەتىن «الەم سۋرەتى» اتتى حالىقارالىق الەۋمەتتىك ارت-جوباسىنا ارالاسقان پروديۋسەر داۋت شايحيسلاموۆ.
سونىمەن 18 قاراشا كۇنى وسى باقتىڭ جايقالۋىنا مۇددەلى ادامدار قاراعايلى ورماندى تۇگەل وتىرعىزىپ, جوبانى مارەگە جەتكىزەدى.
الماتى
