«ە202 جوبالىق اتاۋى بار كوشەگە اسكەري شابۋىلشى ۇشقىش, كەڭەس وداعىنىڭ باتىرى نۇركەن ءابدىروۆتىڭ ەسىمىن بەرۋ ۇسىنىلادى, ال ە101 كوشەسىنە كەڭەستىك جانە قازاقستاندىق جازۋشى, قوعام جانە ساياسي قايراتكەر, قازاقستاننىڭ حالىق جازۋشىسى, قازاق كسر-ءنىڭ ەڭبەك سىڭىرگەن مادەنيەت قايراتكەرى شەرحان مۇرتازانىڭ ەسىمىن بەرۋ ۇسىنىلادى. ە324 كوشەسىنە كورنەكتى جازۋشى دۇكەنباي دوسجاننىڭ اتى, ە325 كوشەسىنە كومپوزيتور ەركەعالي راحماديەۆتىڭ اتى, ە357 كوشەسىنە حيرۋرگ, مەديتسينا عىلىمدارىنىڭ پروفەسسورى, اكادەميك ەسكەندىر سىزعانوۆتىڭ ەسىمى, ە577 كوشەسىنە جازۋشى حامزا ەسەنجانوۆتىڭ ەسىمىن بەرۋ ۇسىنىلدى», دەدى تىلدەردى دامىتۋ باسقارماسىنىڭ باسشىسى ساكەن ەسىركەپ ءماسليحات وتىرىسىندا
سونىمەن قاتار ە579 كوشەسىنە مەملەكەت جانە ساياسات قايراتكەرى قايرەدەن قارباەۆتىڭ ەسىمىن, ە580 كوشەسىنە مەملەكەت قايراتكەرى سابىر نيازبەكوۆتىڭ ەسىمىن, ە607 كوشەسىنە قازاقستاننىڭ حالىق ءارتىسى, كورنەكتى مادەنيەت قايراتكەرى قۇمان تاستانبەكوۆتىڭ ەسىمىن بەرۋ ۇسىنىلىپ وتىر. سونداي-اق ە 608. كوشەسى قازاق, كەڭەس اكتريساسى, ۇستاز شولپان جانداربەكوۆانىڭ ەسىمىمەن اتالادى.
«ە757 كوشەسىنە كورنەكتى جازۋشى, ادەبيەتتانۋشى, فيلولوگ اقسەلەۋ سەيدىمبەكتىڭ, ە758 كوشەسىنە – شەيح زايد يبن حاليفا ءال ناحاياننىڭ, ە889 كوشەسىنە – كورنەكتى قوعام قايراتكەرى, پۋبليتسيست, زاڭگەر بارلىبەك سىرتانوۆتىڭ ەسىمىن بەرۋ ۇسىنىلدى. ە890 كوشەسىنە – تاريح عىلىمدارىنىڭ دوكتورى, پروفەسسور, اكادەميك ەرمۇحان بەكماحانوۆتىڭ ەسىمى جانە ە898 كوشەسىنە فيلولوگيا عىلىمدارىنىڭ دوكتورى, ادەبيەتتانۋشى تۇرسىنبەك كاكىشەۆتىڭ ەسىمى بەرىلدى», دەدى س. ەسىركەپ.
