جاڭا ەرەجە «تەرروريستىك ارەكەتتەرمەن بايلانىستى توپتاردىڭ جينالۋ بوستاندىعىن شەكتەۋگە» ارنالعان.
شۆەتسيانىڭ نەگىزگى زاڭىنا ەنگىزىلگەن بۇل وزگەرىستەر سكانديناۆيا كورولدىگىنىڭ ناتو-عا كىرۋىنە توسقاۋىل بولىپ وتىرعان تۇركيانىڭ مۇددەسى ءۇشىن جاسالدى. ەندى شۆەتسياعا انكارا لاڭكەس دەپ ساناعان كۇرد ۇيىمدارىمەن بايلانىسى بار ادامدارعا قارسى ءىس قوزعاۋ وڭايىراق بولادى.
بۇعان دەيىن, شۆەتسيا - انكارا عانا ەمەس, ۆاشينگتون مەن بريۋسسەلدە دە لاڭكەس دەپ تانىعان ۇيىم مۇشەلەرىنە ەلدى پانالاۋعا مۇمكىندىك بەرىپ كەلگەن بولاتىن. الايدا الەمدىك ساياسي سيتۋاتسيالار, ياعني رەسەيدىڭ ۋكرايناعا باسىپ كىرۋىنەن كەيىن جاعداي وزگەردى. ەندى شۆەتسيا ناتو-عا كىرۋگە ءوتىنىش بەردى, بىراق تۇركيا ونىڭ كانديداتۋراسىنا قارسى بولدى.
وقيعانىڭ باسى, تۇركيانىڭ فينليانديا مەن شۆەتسيانىڭ ناتو-عا كىرۋىنە قارسى ۇستانىمى, اتاپ ايتقاندا, وداقتاعى بولاشاق وداقتاستار انكارانىڭ ۇلتتىق قاۋىپسىزدىك ماسەلەلەرىندە الاڭداۋشىلىقتارىن بولىسپەيدى دەگەن قاۋىپكە نەگىزدەلگەن بولاتىن. تۇركيا پرەزيدەنتى رەجەپ تايىپ ەردوعان ءوز كەزەگىندە انكاراعا بەرگەن ۋادەلەرى ورىندالمايىنشا, فينليانديا مەن شۆەتسيانىڭ ناتو-عا كىرۋىنە قاتىستى ۇستانىمىن وزگەرتپەيتىنىن ايتتى.
سول سەبەپتى شۆەتسيا تۇركيامەن وداقتاسۋ ماقساتىندا, بىرقاتار وزگەرىس ەنگىزدى. اتالعان زاڭناما دا سونىڭ ناتيجەسى.
