بيىل اتىراۋ وبلىسىنا شەت مەملەكەتتەردەن 252 وتباسى كوشىپ كەلگەن. وتانىنا ورالعان جەرلەستەردىڭ بارلىعى قانداس مارتەبەسىنە يە بولدى.
«الەمنىڭ تۇكپىر-تۇكپىرىنەن قانداستارىمىز ەلىنە ورالۋدا. تاۋەلسىزدىك العالى اتىراۋعا بارلىعى 15 مىڭنان استام ەتنيكالىق قازاق ورالدى. بۇگىندە ولاردىڭ باسىم كوپشىلىگى قازاقستان رەسپۋبليكاسىنىڭ ازاماتتىعىن الدى. ەلگە ورالعان ەتنيكالىق قازاقتارعا ءبىر جىلعا كانداس مارتەبەسى بەرىلەدى, وسىلايشا ولاردىڭ وسىندا قالىپ, ازاماتتىق الۋعا مۇمكىندىگى بولادى. ەگەر اتالعان مەرزىم ىشىندە ولار قازاقستان ازاماتتىعىن الا الماسا, ءبىر رەتتىك ۇزارتۋ بويىنشا التى ايلىق مارتەبە بەرىلەدى. بۇگىنگى تاڭدا تۇرعىن ءۇي كەزەگىنە تىركەلگەن 43 قانداس تىركەلگەن», دەدى م.الدياروۆ.
ايتا كەتەيىك, قانداس مارتەبەسىن الۋعا ۇمىتكەر ەتنيكالىق قازاق بۇل قىزمەت ءتۇرىن جەرگىلىكتى اتقارۋشى ورگانعا نەمەسە مەملەكەتتىك كورپوراتسياعا حابارلاسۋ ارقىلى الادى. قۇجاتتاردى قاراۋدىڭ جانە قانداستار مارتەبەسىن بەرۋدىڭ جالپى مەرزىمى ءتورت جۇمىس كۇنى ىشىندە جۇزەگە اسىرىلادى.
