اتاپ ايتقاندا, ەلوردادا مەكتەپ سالۋ ءۇشىن – 158 ۋچاسكە, بالاباقشالار ءۇشىن – 185, مەديتسينالىق ورتالىقتار ءۇشىن – 78 ۋچاسكە بەلگىلەندى. مەديتسينالىق ورتالىقتاردىڭ سانى جاڭا تۇرعىن ءۇي كەشەنىنىڭ ءبىرىنشى قاباتتارىندا اشىلاتىن مەديتسينالىق مەكەمەلەرسىز كورسەتىلگەن. قالا اكىمدىگىنەن حابارلاعانداي, الەۋمەتتىك نىسانداردى سالۋ ءۇشىن جەر ۋچاسكەلەرىنىڭ سانى جىل سايىن ۇلعايادى.
قازىرگى ۋاقىتتا ەلوردا تۇرعىندارىنىڭ قاتىسۋىمەن 2035 جىلعا دەيىنگى قالانىڭ باس جوسپارىنىڭ جوباسى تالقىلانۋدا. باس جوسپاردا بولاشاق الەۋمەتتىك نىساندار قايدا سالىناتىنى كورسەتىلگەن.
ايتا كەتسەك, جوبا اياسىندا قالانى دامىتۋ, حالىق سانى, الەۋمەتتىك نىساندار سالۋ, كولىك ينفراقۇرىلىمىن پەرسپەكتيۆالى دامىتۋ, 2035 جىلعا دەيىن كەيبىر نىسانداردى بۇزۋ ماسەلەلەرى زەردەلەندى.
استانانىڭ باس جوسپارىنىڭ جوباسىن تالقىلاۋ 2022 جىلعى 15-18 قاراشا ارالىعىندا «استانا باس جوسپارى» عزجي» جشس عيماراتىندا, استانا ق., ا.مامبەتوۆ كوشەسى, 22-كورمە زالى مەكەن-جايىندا وتەدى.
