مەديتسينا • 17 قاراشا، 2022

مۋمبايدان كەلگەن حيرۋرگ اياق كۇرەتامىرلارىنا جاڭا ادىسپەن ءتورت وپەراتسيا جاسادى

47 رەت كورسەتىلدى

قازىرگى تاڭدا ۇدايى دامىپ كەلە جاتقان مەديتسينالىق تەحنولوگيالار ءبىرىنشى كەزەكتە ادام دەنساۋلىعىنا بارىنشا زيا­نىن تيگىزبەۋدى كوزدەيدى. سوندىقتان وسى سالانىڭ وزگەرىس­تەرى مەن جاڭالىقتارى تۋرا­لى ءبىلىپ، قۇلاعدار بولىپ وتىرۋ ارقاي­سىمىز ءۇشىن دە وزەكتى.

ماسەلەن، جۋىردا الماتىدا سۋسامىر سالدارىنان اياعىنىڭ قان اينالىمى بۇزىلعان پاتسيەنتكە جاڭا ادىسپەن وپەراتسيا جاسالدى. ايتپەسە، سىرقات ايەل اياعىنان ايىرىلۋى ابدەن مۇمكىن ەدى.

كوپ جىل بويى سۋسامىر كەسەلىمەن جۇرگەن 55 جاستاعى ايەل ديابەتتىك تابان سيندرومىنا شالدىققان. ماماندار پاتسيەنتكە 2-تيپتەگى قان ديابەتى، اياق كۇرەتامىرلارىنىڭ اتەروسكلەروزى دەگەن دياگنوز قويعان.

جوعارىداعى وپەراتسيا بارىسىندا ناۋقاستىڭ اياق كۇرەتامىرلارىنا انگيوگرافيا جاسالعان. ناتيجەسىندە تىزە استى مەن ۇلكەن جىلىنشىكتەگى ارتەريالار تارىلىپ، ستەنوز پايدا بولعانى انىقتالدى. وپەراتسيا كەزىندە اياقتاعى ارتەريالارعا انگيوپلاستيكا جاسالىپ، قان اينالىمى تولىق قالپىنا كەلتىرىلدى، دەيدى ماماندار.

الماتىداعى №4 قالالىق كليني­كالىق اۋرۋحاناسىندا وتكەن شەبەر­لىك ءدارىسى شەڭبەرىندەگى وپەراتسيانى ءۇندىستاننىڭ مۋمباي قالاسىنان كەلگەن دارىگەر گيريش مۋكۋد جاسادى.

«ادەتتە مۇنداي جاعدايدا سىرقات­تىڭ اياعىن كەسىپ تاستايدى. بىراق بۇل ايەلدىڭ جولى بولدى. ەندى حيرۋرگيا­لىق وپەراتسيا جاساۋعا ەش قاجەتتى­لىك جوق»، دەيدى اۋرۋحانانىڭ رەنتگەن-ەندوۆاسكۋليارلىق حيرۋرگيا ءبولىمىنىڭ دارىگەرى كاميلا ورازباەۆا.

ۇندىستاندىق دارىگەر گيريش مۋكۋد تاجىريبەگە ەنگىزىلىپ وتىرعان جاڭا ءادىس – ينتەرۆەنتسيوندىق نەمەسە ەندو­ۆاسكۋليارلىق حيرۋرگيا – زاقىمدانعان اعزانى قانداۋىرسىز، قان تامىرى ار­قىلى رەنتگەنەندوۆاسكۋليارلىق ادىسپەن ەمدەۋگە مۇمكىندىك بەرەتىنىن ايتادى.

قان تامىرلارى حيرۋرگتەرىنە ارنال­عان شەبەرلىك ءدارىسى بارىسىندا ۇندىس­تاندىق دارىگەردىڭ قاتىسۋىمەن تاعى وسىنداي 4 وپەراتسيا جاسالدى.

مەديتسينالىق ساقتاندىرۋ قورى الماتى فيليالىنىڭ ديرەكتورى تىلەۋ­حان ابىلداەۆتىڭ سوزىنە سۇيەنسەك، ءتورت وپەراتسيا دا ءمامس شەڭبەرىندە قارجىلاندىرىلعان.

ء«بىر جىل بۇرىن №4 قالالىق كلي­نيكالىق اۋرۋحانادا رەنتگەن-ەندو­ۆاسكۋليارلىق حيرۋرگيا بولىمشەسى اشىل­عان بولاتىن. وسى ۋاقىت ىشىندە ميداعى قان تامىرلارىنا 739 ينتەرۆەنتسيوندىق وتا مەن جاتىر ارتەريالارىن ەمبوليزاتسيالاۋ سىندى مانيپۋلياتسيالار جۇزەگە اسىرىلعان. بۇل وپەراتسيالاردىڭ ءبارى دە ءمامس پاكەتى شەڭبەرىندە جاسالدى»، دەيدى تىلەۋحان ابىلداەۆ.

 

الماتى

سوڭعى جاڭالىقتار

جەدەل جەلى قوسىلدى

الەم • بۇگىن، 00:28

«ساۋلەڭ بولسا كەۋدەڭدە...»

پىكىر • بۇگىن، 00:21

قۋاتى مول قۇراما جەم

ەكونوميكا • بۇگىن، 00:14

تەكەلىنىڭ ءتاتتى تاعامدارى

ايماقتار • بۇگىن، 00:05

جەر سىلكىنىسى: ساقتىق پەن ساباق

توتەنشە جاعداي • كەشە

تالقى

ادەبيەت • كەشە

قار ۇستىندەگى قارساق

ايماقتار • كەشە

الكەيدىڭ كۇندەلىگى

تاريح • كەشە

«حات قورجىن»

قوعام • كەشە

قارعىن سۋدان قاۋىپ بار

توتەنشە جاعداي • كەشە

وقۋشىلار تاپقان ولجا

جادىگەر • كەشە

ۇقساس جاڭالىقتار