قازىرگى قىزمەتىنە دەيىن ول «قازاقستاننىڭ دامۋ بانكى» اق ەنشىلەس ۇيىمى «ونەركاسىپتى دامىتۋ قورى» اق-نى باسقارعان.
«بايتەرەك» ۇبح» اق باسقارما توراعاسى قانات شارلاپاەۆ قدب ۇجىمىنا جاڭا باسشىنى تانىستىردى.
«نۇرلان بايبازاروۆ قارجى ۇيىمدارىندا جەتكىلىكتى جۇمىس تاجىريبەسىنە يە. وسىعان دەيىن ول قازاقستاننىڭ دامۋ بانكىنە ەنشىلەس ونەركاسىپتى دامىتۋ قورىن تابىستى باسقاردى. نۇرلان بايبازاروۆتىڭ جوعارى باسقارۋشىلىق قۇزىرەتتىلىگىن, سونداي-اق ءسوزسىز قدب-نى دامىتۋدا قولدانىلاتىن ۇكىمەتتىڭ ەكونوميكالىق بلوگىنداعى ۇلكەن جۇمىس تاجىريبەسىن اتاپ وتكىم كەلەدى», دەدى قانات شارلاپاەۆ.
نۇرلان بايبازاروۆ 1975 جىلى تۋعان. قازاق مەملەكەتتىك باسقارۋ اكادەمياسىن «بانك ءىسىن ۇيىمداستىرۋ» ماماندىعى بويىنشا بىتىرگەن.
ەڭبەك جولىن 1997 جىلى قارجى مينيسترلىگىنىڭ بيۋدجەت دەپارتامەنتىندە باستاعان.
2004 جىلدان 2011 جىلعا دەيىن «قازاقستاننىڭ دامۋ بانكى» اق-دا باسقارما باستىعىنان باستاپ باسقارۋشى ديرەكتورعا دەيىن ءارتۇرلى لاۋازىمداردا قىزمەت ەتتى.
2013-2016 جىلدارى ۇلتتىق ەكونوميكا مينيسترلىگىندە ەكونوميكا سالالارىن دامىتۋ دەپارتامەنتىنىڭ ديرەكتورى قىزمەتىن اتقاردى.
2016 جىلدان باستاپ قازىرگى كۇنگە دەيىن «ونەركاسىپتى دامىتۋ قورى» اق ديرەكتورلار كەڭەسىنىڭ مۇشەسى جانە باسقارما توراعاسى بولدى.
ايتا كەتسەك, نۇرلان بايبازاروۆ «ەرەن ەڭبەگى ءۇشىن» مەملەكەتتىك مەدالىمەن ماراپاتتالعان.
