ءىس-شارانىڭ وتۋىنە وبلىستىق كوزى كورمەيتىن جانە ءالسىز كورەتىن ازاماتتار كىتاپحاناسى مەن شەرحان مۇرتازا اتىنداعى وبلىستىق «رۋحانيات جانە تاريحتانۋ» ورتالىعى مۇرىندىق بولدى.
ءىس-شاراعا قاتىسقان قالامگەردىڭ كەلىنى, ارداگەر كىتاپحاناشى سارا ماديماروۆا, شەراعانىڭ تۋىسقان نەمەرەسى رامازان شوڭعاروۆ جازۋشىنىڭ وزدەرىنە ايتقان اتالىق ءسوزى مەن اقىلى, ادامي بولمىسى تۋرالى تولعانا سىر شەرتتى. شەرحان مۇرتازا اتىنداعى وبلىستىق «رۋحانيات جانە تاريحتانۋ» ورتالىعىنىڭ ديرەكتورى ساۋران قاليەۆ شەراعا شىعارماشىلىعىنا شولۋ جاساپ, قالامگەردىڭ قازاق پروزاسىنداعى ءرولى مەن تاعدىرى تۋرالى وي ءبولىستى.
سوڭىنان «بولاشاق» مەكتەپ-ينتەرناتىنىڭ وقۋشىلارى تۇعىرلى تۇلعا رۋحىنا ارنالعان ارناۋ ولەڭدەرىن وقىپ, ادەمى اندەردى شىرقادى. سونداي-اق كىتاپحانا قىزمەتكەرلەرى شەرحان مۇرتازانىڭ كىتاپتارىنا بيبليوگرافيالىق شولۋ جاسادى. كەيىننەن ءسوز العان وبلىستىق كوزى كورمەيتىن جانە ءالسىز كورەتىن ازاماتتار كىتاپحاناسىنىڭ ديرەكتورى جاننا الشىنباەۆا ءىس-شاراعا بەلسەنە قاتىسقان ازاماتتارعا ريزاشىلىعىن جەتكىزىپ, سىي-سياپات تاپسىردى.
جامبىل وبلىسى,
جۋالى اۋدانى
