214 مىڭنان استام اتا-انا ءوز بالالارىنا شوت اشقان. قازىرگى ۋاقىتتا بۇل دەپوزيتتەردە جالپى كولەمى 46 ملرد تەڭگەگە جۋىق قارجى جيناقتالعان. بالالار دەپوزيتىندە ساقتاۋلى ەڭ جوعارى سوما 11 ملن تەڭگەگە تەڭ. بۇل ونىڭ يەسى ءوز سالىمىنا 1,1 ملن تەڭگە وتەماقى الا الاتىنىن بىلدىرەدى.
بالالارىنىڭ سالىمدارى بويىنشا مەملەكەتتەن 10% كولەمىندە وتەماقى الۋ ءۇشىن اتا-انالار نەمەسە ولاردىڭ زاڭدى وكىلدەرى وتباسى بانك كەڭەسشىلەرىنە حابارلاسۋى قاجەت. ول ءۇشىن جاقىن جەردەگى كەڭەس بەرۋ ورتالىعىنا بارىپ نەمەسە ۇيگە كەڭەسشى شاقىرۋعا بولادى. بانك كەڭەسشىلەرى تۋرالى مالىمەتتى https://hcsbk.kz/ru/network-agents/ سايتىنان تابۋعا بولادى.
14 جاسقا تولعان بانك سالىمشىلارى وتەماقى الۋ تۋرالى ءوتىنىشتى وزدەرى بەرە الادى. بىراق بۇل تەك اتا-اناسىنىڭ نەمەسە زاڭدى وكىلدەرىنىڭ قاتىسۋىمەن جۇزەگە اسىرىلادى.
ايتا كەتسەك, 1,5 ايدىڭ ىشىندە 548 433 سالىمشى وتباسى بانكىنە دەپوزيتتەرى بويىنشا وتەماقى الۋعا ءوتىنىش بەرگەن. ونىڭ ىشىندە 16 مىڭنان استامى بالالار سالىمدارىنا قاتىستى بولعان.
10% كولەمىندەگى وتەماقى ءوتىنىش بەرۋ ارقىلى تولەمگە كەلىسىمىن بەرگەن سالىمشىلارعا عانا تولەنەدى. وتىنىشتەر 2023 جىلدىڭ 1 قاڭتارىنا دەيىن قابىلدانادى. كامەلەت جاسىنا تولعان سالىمشىلار ءوز وتىنىشتەرىن www.otbasybank.kz مەكەنجايى بويىنشا «باسپانا ماركەت» جىلجىمايتىن م ۇلىك پورتالىنداعى جەكە كابينەتتەرىندە نەمەسە «Otbasy bank» ءموبيلدى قوسىمشاسىندا جولداي الادى.
10% كولەمىندەگى وتەماقى ەسەپتەلەتىن ەڭ جوعارى سوما 20 ملن تەڭگەگە تەڭ. بۇل ءبىر بانكتە اشىلعان بارلىق دەپوزيتتەردىڭ جالپى سوماسى. 2022 جىلدىڭ 23 اقپانىنداعى جاعداي بويىنشا دەپوزيتتەرى بار سالىمشىلار ءوز جيناقتارى ءۇشىن وتەماقى الادى. ول وتەماقى ەسەپتەلەتىن ۋاقىتقا دەيىن دەپوزيتتەرىن ساقتاعان سالىمشىلارعا تولەنەدى.
ءبولۋ ارقىلى دەپوزيتتەن ءىشىنارا اقشا شەشىلگەن بولسا, وندا وتەماقى جيناقتالعان سالىمنىڭ ەڭ تومەنگى قالدىق مولشەرىنە عانا ەسەپتەلەدى. سونداي-اق 2022 جىلدىڭ 23 اقپانىنان كەيىن سالىمعا قوسىمشا تولىقتىرىلعان قاراجات ەسەپكە الىنبايتىنىن اتاپ وتكەن ءجون.
ەگەر بانك سالىمشىسىندا ارالىق جانە الدىن الا زاەمدار بويىنشا, ونىڭ ىشىندە ءۇشىنشى تۇلعالاردىڭ ولارعا بەرىلگەن تۇرعىن ءۇي زاەمدارى بويىنشا مىندەتتەمەلەرى بويىنشا قامتاماسىز ەتۋ رەتىندە بەرىلگەن سالىمى بولسا, وندا ولارعا دا ءتيىستى وتەماقى بەرىلەدى.
جاقىن تۋىستارىنا (تەگىن) تاعايىندالعان, سونداي-اق بىرىكتىرىلگەن دەپوزيتتەر دە وتەماقى الا الادى.
وتەماقى تولەنبەيتىن جاعدايلار:
- دەپوزيت جابىلسا;
- دەپوزيت كەپىل رەتىندە بولعان, ىزىنشە نەسيە سالىمنىڭ توقتاتىلۋىمەن تولىق وتەلگەن جاعدايدا;
- دەپوزيت بويىنشا تۇرعىن ءۇي زاەمىنا كوشكەن, ونىڭ ىشىندە اۆتوماتتى تۇردە كوشكەن سالىمدار بويىنشا (2022 جىلدىڭ 24 اقپانىنان 2023 جىلدىڭ 23 اقپانىنا دەيىنگى كەزەڭدە);
- ونلاين تابىستاۋ ارقىلى (اقىلى) ساتىلعان نەمەسە ساتىپ الىنعان دەپوزيتتەر بويىنشا.
وتەماقى 2023 جىلدىڭ 23 اقپانىنان كەيىن وتباسى بانكىنە قاراجات تۇسكەن ساتتەن باستاپ 2 جۇمىس كۇنى ىشىندە سالىمشىلاردىڭ دەپوزيتتەرىنە اۋدارىلادى. وتەماقى الۋ ءۇشىن بولەك شوت اشۋدىڭ قاجەتى جوق.
ەگەر بانك كليەنتىنىڭ جالپى سوماسى 20 ملن تەڭگەدەن اساتىن بىرنەشە دەپوزيتى بولسا, وندا وتەماقى دەپوزيتتەرگە پروپورتسيونالدى, بىراق بەلگىلەنگەن وتەماقى سوماسىنان اسپايتىن مولشەردە ەسەپتەلەدى.
