كينو • 14 قاراشا، 2022

سوعىستىڭ جۇرتى

42 رەت كورسەتىلدى

ەگەر عايىپتان تايىپ جولىڭىز ءتۇسىپ، وسى كۇندەرى الماتى وبلىسى ەڭبەكشىقازاق اۋدانى اقشي اۋىلىنا بارا قالساڭىز، وتكەن عاسىردان بۇگىنگى زامانعا توپ ەتىپ تۇسە قالعانداي ەسكى اۋىل­دى كورەسىز. ويتكەنى اقشي اۋىلىنىڭ ماڭىندا بەلگىلى رەجيسسەر تالعات تەمەنوۆتىڭ «قارا قىز» اتتى اسكەري دراماسىنىڭ كەزەكتى سيۋجەتتەرى ءتۇسىرىلدى.

وسىلايشا كەسكىندەمەشى-سۋرەتشىلەر سول كەزدىڭ بۇ­كىل احۋالى مەن بەينەسىن تو­لىق بەرۋ ءۇشىن جازىق دالادا ءىى دۇ­نيەجۇزىلىك سوعىسى قار­ساڭىنداعى تۇتاس ءبىر اۋىل­دى سالدى. مۇن­دا وتكەن كۇندەردىڭ كۋاسىندەي ەسكى توقال تامداردى، تەمىرجول ۆوكزالىن، كلۋب، مەكتەپ، پوشتا، ديىرمەندى تا­بۋعا بولادى.

«تىلداعى ەلدىڭ تىنىس-تىرشىلىگىن بەينەلەيتىن اۋىل­دى تۇرعىزۋعا ءبىر جارىم ايداي ۋاقىت كەتتى. بۇل وتە قيىن بولدى. ايدالادا، اي­نالادا ەشتەڭە جوق، ون شاق­تى ادام جۇمىس ىستەدىك. اۋىل وتكەن عاسىردىڭ 30-40 جىل­دارىنداعى ارحيۆتىك قۇجاتتار نەگىزىندە جاسالدى. باس-اياعى ون بەس عيمارات سالدىق»، دەيدى كارتينانىڭ قويۋشى-سۋرەتشىسى ەركەن سۇلەي­مەنوۆ.

قويۋشى-سۋرەتشى ەركەن اتالعان ءفيلمنىڭ سولتۇستىك قازاقستان وبلى­سىنداعى ءتۇ­سىرىلىم جۇمىستارىنا دا قا­تىسقان. ول جەردە سۇ­لەي­مەنوۆتىڭ كومانداسى جەرتاسالار، جاتتىعۋ ورتالىعى، جاۋ كومەنداتۋراسى مەن اۋرۋحانانى سالعان. قويۋشى-سۋرەتشى ءوزىنىڭ وسى جۇ­مىسىن بولاشاق فيلمدەرگە ارنالعان دەكوراتسيا رەتىندە قالدىرعىسى كەلەدى.

«مەنىڭ بۇل سالادا جۇر­گەنىمە ون شاقتى جىل بولدى. كينو تۇسىرىلىم­دە­رىنەن كەيىن ادەتتە دەكوراتسيانى بۇ­زىپ تاستاعاندا ءىشىڭ كۇيەدى. بۇل مەنىڭ اكەم­نىڭ كىندىك قانى تامعان جەر. سون­دىقتان «قارا قىز» كارتيناسىنا بولا ىرگەسى قالانعان اۋىلدى كەلەشەكتە باسقا كينورەجيسسەرلەرگە كومەكتەسۋ ءۇشىن قال­دىرعىم كەلەدى. اسىرەسە جاس ستۋدەنتتەر مەن ولاردىڭ ديپ­لوم­دىق جۇمىس­تارى ءۇشىن دە بۇل «اۋىل» جاقسى بولار ەدى»، دەيدى ەركەن سۇلەيمەنوۆ.

سونىمەن «قارا قىز» – ءىى دۇنيەجۇزىلىك سوعىسى كە­زىندەگى ادامداردىڭ تاعدى­رىن با­يان­دايتىن اسكەري دراما. فيلمدە سوعىستىڭ بارلىق تاقسىرەتىنە قاراماستان، ءبىرىن-ءبىرى تاباتىن كەيىپكەرلەردىڭ وقيعا­لارى باياندالادى.

باستى رولدەردە جاس اكتەرلار نۇراي ساقتاپوۆا مەن ەرلان قۇلمۇرزين وينا­دى. نۇر­اي ءۇشىن بۇل كينوداعى تىر­­­ناق­الدى ءرولى، ال ەرلان تە­لە­­حي­كايالاردان ءجيى كورىنىپ ءجۇر.

«مەنىڭ كەيىپكەرىم اس­قاربەك ەسىمدى قا­راپايىم اۋىل جىگىتى، سوعىس جىلدارىن­دا ول مايدانعا اتتانىپ، با­تىل­دىقپەن شاي­قا­سادى. فيلم­­دە اۋىر كورىنىستەر كوپ، كو­رەر­مەندەردىڭ قىزىعۋ­شى­لى­عىن ساق­تاپ قالۋ ءۇشىن بار­لىق قۇپيالاردى اش­پاي-اق قويايىن»، – دەيدى ەرلان قۇل­مۇرزين.

سونداي-اق فيلمگە كوپ­شىلىككە تانىمال دۋلىعا اقمولدا، مەدعات ومىراليەۆ سىندى ونەر مايتالماندارى دا تۇسكەن. كار­تينانىڭ نەگىزگى ءتۇسىرىلىمى 23 قىر­­­­­­كۇيەك پەن 14 قازان ارا­لىعىندا سولتۇستىك قازاقستان وبلىسىنىڭ اۋما­عىن­­دا، قى­زىلجار قالاسىنىڭ ماڭىندا ءوتتى. ال اقشي اۋىلىن­داعى ءتۇ­­سىرىلىم 2 قارا­شادا اياق­تال­دى.

مادەنيەت جانە سپورت مينيستر­لىگىنىڭ تاپسىرىسىمەن، ۇلتتىق كينونى قولداۋ مەملەكەتتىك ورتالىعىنىڭ كو­­مەگىمەن تۇ­سىرىلگەن كار­­­تينانىڭ تۇساۋكەسەرى كە­لەسى جىل­دىڭ كوكتەمىنە جوس­پار­لانعان.

ر

 

الماتى

سوڭعى جاڭالىقتار

جاڭا باعىت

ساياسات • كەشە

ءورت: قاۋىپ پەن ساقتىق

توتەنشە جاعداي • كەشە

تۇلعا تۋرالى تۋىندى

ادەبيەت • كەشە

جولبارىس جىمى

ادەبيەت • كەشە

ەل سەنىمىن جالعاعان جوبا

ەكولوگيا • كەشە

جەلاياقتار استانادا جينالادى

جەڭىل اتلەتيكا • كەشە

جانىبەكتى جەكپە-جەككە شاقىردى

كاسىپقوي بوكس • كەشە

ۇقساس جاڭالىقتار