ورازبەكوۆتەر وتباسىنىڭ اۋلاسىنان ەجەلگى تۇركى داۋىرىنە جاتاتىن تاريحي جادىگەر تابىلدى دەگەن حاباردى ەستىگەندە ەلەڭ ەتە قالعانىمىز راس. مۇنداي بالبالتاستىڭ شىنىمەن دە ەرتە زامانعى ەسكەرتكىشتەرگە ۇقسايتىنىن زەرتتەۋ جۇمىستارىنان بىلەمىز.
– تۇركى كەزەڭىندە مۇنداي بالبالتاستار قايتىس بولعان ادامداردىڭ قابىرىنە ايرىقشا بەلگى رەتىندە ورناتىلاتىن بولعان. ياعني ەسكەرتكىشتىڭ ەجەلگى تۇركى داۋىرىنەن بەرى ساقتالىپ كەلگەنى انىق. وكىنىشكە قاراي, بۇگىندە ولاردىڭ كوبى قيراپ, جوعالىپ كەتتى, – دەيدى جامبىل اۋدانى اۋماعىندا ورنالاسقان «تاڭبالى» تاريحي-مادەني جانە تابيعي قورىق-مۋزەيى ءبولىمىنىڭ باسشىسى قۋانىش نۇرماقسۇتوۆ.
اۋلادان تابىلعان بالبالتاستىڭ بيىكتىگى شامامەن 1 مەتر, ەنى 70-80 سانتيمەتر ەكەن. جالپى, جەرگىلىكتى تۇرعىندار اۋىلدىڭ بايىرعى قاريالارىنان مۇنداي تاريحي قۇندىلىق تۋرالى كوپ ەستىگەنىن ايتادى. ال اۋلاسىنان بالبالتاس شىققان ەلامان اتانىڭ ۇرپاقتارى وسى جەرگە تاعى ەكى بالبالتاس كومىلگەن بولۋى مۇمكىن دەپ جورامالدايدى. ەستۋلەرىنشە, زامانىندا اۋىلدا ەكى تاس ەسكەرتكىش بولعان-مىس. ولاردىڭ بىرىندە ايەل بەينەسى قاشالعان سياقتى.
– بۇل تاستى اتامىز ەلامان ساقتاپ كەلگەن ەكەن. وسى تۋرالى كوپ اڭىز ايتىلادى. كەڭەس وكىمەتى تۇسىندا جادىگەردىڭ قۇندى دۇنيە ەكەنىن بىلمەگەن سياقتى. كەيىن كەلە بالبالدار توپىراققا كومىلىپ قالعانعا ۇقسايدى, – دەيدى ءشيلىباستاۋ اۋىلىنىڭ تۇرعىنى روزا شىلعاۋباەۆا.
قالاي بولعاندا دا تابىلعان تاستىڭ قۇندىلىعى جايىندا سوڭعى ءسوزدى ارحەولوگتەر ايتۋعا ءتيىس.
الماتى وبلىسى
