مالىمدەمەدە اتاپ وتىلگەندەي, HS دەنساۋلىق كودىن (نەمەسە HDC) الۋ تالاپتارى وزگەردى. ەلشىلىك بۇل «ەپيدەميانى باقىلاۋ ماقساتىندا» جاسالعانىن ايتادى.
ەندى قازاقستاننان قىتايعا باراتىن جولاۋشىلار ۇشۋعا دەيىن 48 ساعات ىشىندە قازاقستان اۋماعىندا رەسمي تىركەلگەن زەرتحانادا پتر-سىناما تاپسىرۋ قاجەت.
سونىمەن قاتار پتر تەستىنىڭ ناتيجەسىن قوسا, قاجەتتى قۇجاتتاردى جۇكتەۋ جانە جىبەرۋ ارقىلى دەنساۋلىق كودىنا ءوتىنىش بەرۋ كەرەك.
ديپميسسيا ءوتىنىمدى وڭدەگەننەن كەيىن قىتايدىڭ قازاقستانداعى ەلشىلىگى نەمەسە باس كونسۋلدىعى «دەنساۋلىقتىڭ جاسىل كودىن» ۋاقىتىلى بەرەتىنىن ناقتىلايدى.
ناتيجەسىندە بارلىعى ءۇش قۇجات قاجەت: ۇشۋعا دەيىن 48 ساعات ىشىندە تەرىس پتر سىناعى, پاسپورتتىڭ باستى بەتى جانە باعىتى كورسەتىلگەن اۆيابيلەتتەر.
ايتا كەتسەك, 28 ماۋسىمنان باستاپ باسقا تالاپتار قولدانىلدى.
قاجەتتى قۇجاتتار تىزىمىندە:
- ۇشۋعا دەيىن 48 ساعات ىشىندە پتر سىناعىنىڭ تەرىس ناتيجەسى.
- ۇشۋعا دەيىن 24 ساعات ىشىندە پتر سىناعىنىڭ تەرىس ناتيجەسى.
- تولقۇجاتتىڭ باستى بەتى.
- ۆاكتسيناتسيا پاسپورتى (بار بولسا).
- باعىتى كورسەتىلگەن اۆيابيلەتتەر (قازاقستان اۋماعى بويىنشا ۇشۋدى قوسا العاندا).
