ەكولوگيا مينيسترلىگىنىڭ باسشىسى اەس قۇرىلىسى كەزىندە قازاقستاننىڭ پىكىرىن ەسكەرۋ كەرەكتىگىن ايتتى.
«مەنىڭ ويىمشا, بۇل اتوم ەلەكتر ستانتسياسىن سالۋ نەمەسە سالماۋ تۋرالى شەشىم قازاقستان تاراپىنىڭ پىكىرىن ەسكەرە وتىرىپ قابىلدانادى. مەنىڭ بىلۋىمشە, بۇل اتوم ەلەكتر ستانتسياسىن سالۋ تۋرالى شەشىم ءالى قابىلدانعان جوق. ءبىز بارلىق ەكولوگيالىق, سانيتارلىق-ەپيدەميولوگيالىق تالاپتاردى ەسكەرە وتىرىپ, ءوز ۇستانىمىمىزدى قورعايتىنىمىز انىق», دەدى سەرىكقالي برەكەشەۆ.
ايتا كەتەيىك, 2018 جىلدىڭ قىركۇيەگىندە رەسەي مەن وزبەكستان اتوم ەلەكتر ستانتسياسىن سالۋ تۋرالى كەلىسىمگە قول قويعان بولاتىن.
وزبەكستان قازاقستان شەكاراسىنا جاقىن ورنالاسقان دجيزاح وبلىسىنداعى تۇزقان كولىندە اتوم ەلەكتر ستانتسياسىن سالۋدى جوسپارلاپ وتىر.
