بيىل فوتوكورمەگە كەلۋشىلەر بەلگىلى جاپون فوتوگرافى شيگەرۋ يوشيدا تۇسىرگەن «ەرتەڭگى كۇنگە كوپىر» كورمەسىن تاماشالاپ ءجۇر. كورمەدە ونىڭ ءۇش تسيكلدان تۇراتىن ء«بىر مينۋت. دۇعا ءۇشىن شەكارا», «تەڭىز دۋالى», «فۋكۋسيمادان جولداۋ» اتتى جۇمىستارى كورسەتىلگەن. ايتقانداي, وسىناۋ تۋىندىلارىنىڭ دۇنيەگە كەلۋىنە 20 مىڭنان استام ادامنىڭ ءومىرىن قيعان اەس اپاتى تۇرتكى بولعان.
ءتورت مەملەكەتتى قامتيتىن, 2011 جىلدان بەرى الماتى, تاشكەنت, بىشكەك قالالارىندا وتكىزىلىپ كەلە جاتقان «جاپون كۇزى» جوباسىنا جىل سايىن جاپونيا, قازاقستان, وزبەكستان, قىرعىزستان ەلدەرىنىڭ بەلگىلى مۋزىكانتتارى, فوتوسۋرەتشىلەرى مەن ونەر قايراتكەرلەرى دە اتسالىسادى.
جوبا جاپونيامەن بىرگە وسى فەستيۆالدى قولدايتىن مەملەكەتتەردىڭ ءداستۇرلى ءارى زاماناۋي ونەرىن ناسيحاتتاپ, حالىقتار اراسىنداعى مادەني بايلانىستى نىعايتۋدى دا كوزدەيدى.
«مەن تالاي ادامنىڭ ءومىرىن جالماعان تەڭىزگە قاراپ وتىرىپ, دۇعا جاساپ وتىرعان جانداردى كوردىم. بۇل كورىنىس ماعان ء«بىر مينۋت. دۇعا ءۇشىن شەكارا» فوتوكورمەسىن دايىنداۋعا شابىت بەردى. فوتولار ارقىلى مەن دۇعانىڭ تىلسىم قۋاتىن جەتكىزۋگە تىرىستىم», دەيدى شيگەرۋ يوشيدا.
الماتى
