13 قاراشادا اتىراۋ وبلىسىنىڭ باسىم بولىگىندە وڭتۇستىك-باتىستان, باتىستان جەل سوعادى, ەكپىنى 15-20, كۇندىز كەي ۋاقىتتا 23 م/س-كە جەتەدى.
ال تۇركىستان وبلىسىنىڭ وڭتۇستىگىندە, باتىسىندا, تاۋلى جانە تاۋ بوكتەرلى اۋداندارىندا تۇمان تۇسەدى. وڭتۇستىك-باتىستان جەل سوعادى, كۇندىز تاۋ اسۋلارىندا ەكپىنى 15-20 م/س قۇرايدى. 14 قاراشادا تۇركىستان وبلىسىنىڭ باسىم بولىگىندە جاۋىن-شاشىن (جاڭبىر, قار) بولۋى ىقتيمال. وبلىستىڭ وڭتۇستىگىندە, باتىسىندا, ورتالىعىندا جانە تاۋلى اۋداندارىندا تۇمان ءتۇسۋى ىقتيمال.
13 قاراشا شىمكەنتتە تۇمان بولادى.
وسى كۇنى قىزىلوردا وبلىسىنىڭ وڭتۇستىگىندە تۇمان كۇتىلەدى. جەل وڭتۇستىكتەن, وڭتۇستىك-باتىستان سوعادى, ەكپىنى 25 م/س-كە جەتەدى. 13 قاراشادا تۇندە جانە تاڭەرتەڭ ماڭعىستاۋ وبلىسىنىڭ وڭتۇستىگىندە, ورتالىعىندا تۇمان بولۋى مۇمكىن.
13 قاراشادا اباي وبلىسىنىڭ باتىسىندا, سولتۇستىگىندە, ورتالىعىندا وڭتۇستىكتەن, وڭتۇستىك-باتىستان سوعاتىن جەلدىڭ كۇشى 15-20, ەكپىنى 23 م/س بولادى. 14-15 قاراشادا جامبىل وبلىسىندا جاۋىن-شاشىن بولادى.
وبلىستىڭ سولتۇستىگىندە, وڭتۇستىگىندە, تاۋلى اۋداندارىندا قاتتى جاۋىن-شاشىن (جاڭبىر, قار), ال سولتۇستىگىندە, تاۋلى اۋداندارىندا تۇمان, كوكتايعاق بولۋى ىقتيمال. قوستاناي قالاسىندا 13 قاراشادا جاۋىن-شاشىن, كوكتايعاق, بۇرقاسىن بولادى.
