سالتاناتتى شاراعا قورعانىس ءمينيسترىنىڭ ورىنباسارى گەنەرال-لەيتەنانت سۇلتان كامالەتدينوۆ, ماڭعىستاۋ وبلىسى اكىمىنىڭ ءبىرىنشى ورىنباسارى بەكبول ورىنباساروۆ, اسكەري قىزمەتشىلەر, قوعام وكىلدەرى, قارۋلى كۇشتەردىڭ ارداگەرلەرى, اۋعان جاۋىنگەرلەرى, جاس ساربازداردىڭ تۋىستارى مەن جاقىندارى قاتىستى.
ساپتىق الاڭدا شىمىر دا مىعىم جاۋىنگەرلەر ساپ تۇزەدى.
– بۇگىن سەندەر وتانعا ادال بولۋعا انت بەرىپ, ەلىمىزدىڭ قورعاۋشىسى بولدىڭدار. اسكەر – ەرلىك مەكتەبى. قىزمەت بارىسىندا العان داعدىلار اسكەردەن كەيىن دە پايدالى بولاتىنىنا كۇمانىم جوق. قيىندىقتاردان مويىماڭدار, ولار سەندەردى شىڭداپ, قاتايتادى. تاجىريبە جيناڭدار, ول بولاشاقتا وزدەرىڭ ءۇشىن جۇمىس ىستەيدى, – دەدى قورعانىس ءمينيسترىنىڭ ورىنباسارى گەنەرال-لەيتەنانت سۇلتان كامالەتدينوۆ تەڭىز جاياۋ اسكەرلەرىنە.
سالتاناتتى راسىمنەن كەيىن جاس جاۋىنگەرلەردى وسىنداي ايتۋلى وقيعامەن اتا-انالارى قۇتتىقتادى.
– ۇلدارىمىزدىڭ ەر-جەتىپ قالعانىن بايقادىق. اسكەردەگى قىزمەت بالالارىمىزدىڭ جەكە تۇلعا رەتىندە قالىپتاسۋىنا ىقپال ەتەدى. بىراق, ەڭ الدىمەن, بۇل ەلىمىزدىڭ قاۋىپسىز بولۋى مەن شەكارالارىمىزدىڭ سەنىمدى قورعالۋى ءۇشىن قاجەت, – دەپ اتاپ ءوتتى قاتارداعى جاۋىنگەر باقداۋلەت بازاربەكوۆتىڭ اكەسى تۇركىستاندىق نۇرپەيىس جامالوۆ.
ءبىر اي ىشىندە قاراپايىم بالالار اسكەري ورتاعا بوي ۇيرەتىپ, اسكەري ادام ءتارىزدى شىمىر دا مىعىم بولىپ قالعان.
– مەن اسكەرگە تۇركىستان وبلىسىنان شاقىرىلدىم. وسى ۋاقىت ىشىندە بۇل جەرگە بەيىمدەلىپ, ءتۇرلى ايماقتاردان كەلگەن بالالارمەن دوستاسىپ, كوپ نارسەنى ۇيرەندىم. مەن ءۇشىن انت بەرۋ – ۇلكەن جاۋاپكەرشىلىكتى جۇكتەيدى. ماعان سەنىم ارتقان جاقىندارىمنىڭ ءۇمىتىن اقتاپ, اسكەري بورىشىمدى ابىرويمەن ورىنداۋعا بارىمدى سالامىن, – دەدى قاتارداعى جاۋىنگەر راحماتۋللا كاميلبەتوۆ.