تەلەدەباتتا «امانات» قازاقستان كاسىپوداقتارى دوستاستىعىنان پرەزيدەنتتىككە كانديدات مەيرام قاجىكەن ونىڭ ارتىندا سەنىمىن اقتاۋعا ءتيىس كاسىپوداقتار تۇرعانىن مالىمدەدى.بۇل تۋرالى ول قر پرەزيدەنتتىگىنە كانديداتتاردىڭ تەلەدەباتىندا ايتتى.
ول بۇل مالىمدەمەسىن كانديدات سالتانات تۇرسىنبەكوۆانىڭ سۇراعىنا جاۋاپ بەرۋ بارىسىندا ايتتى.
ء«سىز تۋرالى ادامدار كوپ نارسە بىلمەيدى. ءسىز كىمسىز, قاجىكەن مىرزا جانە ءسىزدىڭ ارتىڭىزدا كىم تۇر؟», دەپ سۇرادى تۇرسىنبەكوۆا.
مەيرام قاجىكەن ونى ارىپتەستەرى, ونىڭ ىشىندە شەتەلدىكتەر مەن عىلىمي كونفەرەنتسيالارعا قاتىسۋشىلار جاقسى بىلەتىنىن ايتتى.
«مەنىڭ ارتىمدا كىم تۇر؟ مەنىڭ ارتىمدا كاسىپوداقتار تۇر, ولار مەنى العا تارتتى. مەنى ۇسىنعان 1 ملن 100 مىڭ ادام بار. مەن ولاردىڭ سەنىمىن اقتاۋىم كەرەك. كاسىپوداقتار - كۇش. ولار مەنى پرەزيدەنتتىككە ۇسىنعانىنا قۋانىشتىمىن», دەدى مەيرام قاجىكەن.
