2022 جىلعى 1 قازانداعى جاعداي بويىنشا حالىق سانى 19 691,9 مىڭ ادامدى قۇراعان, ونىڭ ىشىندە قالالىقتار – 12 151,7 مىڭ (61,7%), اۋىلدىقتار – 7 540,2 مىڭ ادام (38,3%).
2022 جىلدىڭ باسىمەن سالىستىرعاندا حالىق سانى 188,7 مىڭ ادامعا (1 %-عا) وسكەن.
2022 جىلعى قاڭتار-قىركۇيەكتە رەسپۋبليكا حالقىنىڭ تابيعي ءوسىمى 2021 جىلمەن سالىستىرعاندا (201,2 مىڭ ادام) 1,6%-عا كەمىپ, 198 مىڭ ادامدى قۇراعان.
احات ورگاندارى ۇسىنعان ازاماتتىق حال اكتىلەرىنىنىڭ جازبالارىنداعى مالىمەتتەرگە سايكەس, 2022 جىلعى قاڭتار-قىركۇيەك ارالىعىندا 299,7 مىڭ ءسابي دۇنيەگە كەلگەن. الايدا الدىڭعى جىلمەن سالىستىرعاندا بۇل - 11,5%-عا از كورسەتكىش.
حالىقتىڭ كوشى-قونى بويىنشا, بيىل ەلىمىزگە تۇرعىلىقتى تۇرۋعا 10 995 ادام كەلسە, كەتكەندەر سانى – 20 341 ادامدى قۇراعان.
ەلىمىزدەگى نەگىزگى كوشى-قون الماسۋى تمد مەملەكەتتەرىمەن بولدى. دەرەكتەر بويىنشا, تمد ەلدەرىنەن كەلگەندەردىڭ جانە سول ەلدەرگە كەتكەندەردىڭ كوشىپ-قونۋشىلاردىڭ جالپى سانىنان ۇلەسى تيىسىنشە 84,4% جانە 84,8% قۇرايدى.
