وقۋلىق ساپاسى – ۇرپاق بولاشاعىنىڭ كەپىلى

سەمينار-كونفەرەنتسياعا استانا قالاسىنداعى مەكتەپ ۇستازدارىمەن قوسا رەسپۋب­لي­كانىڭ باسقا دا وڭىرلەرىنەن كەلگەن مۇعالىمدەر مەن وقۋلىق اۆتورلارى قاتىستى. بۇل باس­قو­سۋدا كوتەرىلگەن ماسە­لەلەردىڭ ارقايسىسى ەشكىمدى بەيجاي قالدىرمادى. اتالعان ءبىلىم ورداسىنىڭ ديرەكتورى ءاليا سەكسەنوۆا وقۋشىلاردىڭ تەح­نو­لوگيا­لىق اقپارات قۇرال­دا­رىن شەبەر يگەرە وتىرىپ, تاع­لى­مى مەن تانىمى مول كىتاپ پەن ءباسپاسوز بەت­تە­رىن­دەگى قۇندى دۇنيەلەردى دە وقۋ كەرەكتىگىن ايتا كەلە, “قازىرگى زامان جاڭا اقپاراتتىق تول­قىننىڭ, جاڭا تەحنو­لو­گيا­نىڭ, جاڭا سەرپىننىڭ زامانى. سوندىقتان دا بالا­لار­دىڭ جان-جاقتى ءبىلىم الۋىنا, بىلىمدەرىن جە­تىلدىرۋىنە جاع­داي جا­ساۋىمىز كەرەك. وقۋشىلارعا تالاپ قويا بىلگەن ۇستاز عانا ءوز جۇ­مى­سىنىڭ جەمىسىنە, ءشا­كىرتىنىڭ جەڭىسىنە كۋا بولا الادى. جاس ۇرپاق­تىڭ ءبىلىم دەڭگەيى تىكەلەي وقۋلىقتىڭ سا­پا­سىمەن باي­لانىستى. سوڭعى جىل­داردا وقۋلىقتار جۇيەسىن ءبىر ارناعا كەلتىرىپ, ونى جە­تىل­دىرۋگە مەملەكەت تارا­پىنان دا قاتاڭ باقىلاۋدىڭ بولىپ جات­قانى بەلگىلى. سول سەبەپتى دە جۇ­مىلا كو­تەرگەن جۇك جەڭىل دە­مەك­شى, ءبا­رىمىز دە ءبىلىم بەرۋ سا­لا­سىنىڭ جاق­سارۋىنا, وقۋ­لىق ءما­سەلە­سى­نىڭ وڭتايلى شەشىلۋىنە ات سا­لى­سۋىمىز قاجەت. وسىندا وت­ىر­­عان ءاربىر ۇستازدىڭ دا, وقۋ­لىق اۆتور­لارىنىڭ دا جا­ۋاپ­­كەر­­شىلىگى اۋىر”,–دەدى ءوز سوزىندە. ال وقۋلىقتاردىڭ مەكتەپ قابىرعاسىندا نەندەي دارە­جە­دە باعالانىپ جاتقانى تۋرالى “الماتى كىتاپ” باسپاسىنىڭ ۆيتسە-پرەزيدەنتى ءبيبىحان شاكيەۆا: “ەگە­مەندىك العان 20 جىل­دىڭ ىشىندە ۇلتتىق وقۋ­لىقتاردى جازۋ جانە ونىڭ اۆتورلارى قالىپتاستى دەپ ايتۋىمىزعا بولادى. العاشقى ءتول وقۋ­لىقتارىمىزدى جازۋعا “اتا­مۇرا” باسپاسى زور ەڭبەك ءسىڭىر­گەنىن جاقسى بىلەمىز. ارينە, باستاپقىدا قازاق ءتى­لىندە وقۋلىقتار جازۋ وتە قي­ىنعا تۇسكەنى بەلگىلى. كوپ­تەگەن جىلدار بويى رەسەيدىڭ اۋدار­ما وقۋلىق­تارىن وقىپ كەل­گە­نىمىز دە جاسىرىن ەمەس. مىنەكي, وسىنداي قيىن­دىق­تار­عا قا­راماستان “اتامۇرا” باسپاسى وزدەرىنە تيەسىلى ءمىن­دەتتەرىن وتە ءساتتى ورىنداپ شىقتى. وقۋلىق سالاسىندا بالامالى وقۋلىقتارعا دەن قويۋ وتە دۇرىس. سەبەبى, باسەكەلەستىك بولعان جاعدايدا عانا ساپا بولادى”, – دەپ ءوز ويىن قورىتىندىلادى. اراي ۇيرەنىشبەكقىزى.