زاۋىتتىڭ قۋاتتىلىعى جىلىنا 5 مىڭ توننا كاتودتى مىس شىعارۋعا جەتەدى. جوبا بويىنشا ينۆەستيتسيا سوماسى 140 تۇراقتى جۇمىس ورنىن قۇرۋمەن 11 ملرد تەڭگەنى قۇرادى. ينۆەستور ينۆەستيتسيالىق كەلىسىمشارتقا KAZAKH INVEST كومەگىمەن قول قويدى.
سالتاناتتى اشىلۋدا يران تاراپىنان «Kavand Nahan Zamin» كومپانياسىنىڭ باس ديرەكتورى اليرەزا موحسەن زيايا, «Iranian Mines and Mining Industries Development and Renovation Organization» باسشىسى ۆادجيحولاح دجافاري, ءيريننىڭ قازاقستانداعى ەلشىسى مادجيد سامازادە سابەر جانە «Irkaz metal Corporation» كومپانياسىنىڭ باس ديرەكتورى الي سامارەح حاشەمي قۇتتىقتاۋ ءسوز سويلەدى. قازاقستاندىق تاراپتان قاراعاندى وبلىسى اقتوعاي اۋدانىنىڭ اكىمى سالتانات ابەۋوۆا, قاراعاندى وبلىسى ونەركاسىپ جانە يندۋستريالىق-يننوۆاتسيالىق دامۋ باسقارماسى باسشىسىنىڭ ورىنباسارى اندرەي ۋمانتسەۆ جانە قاراعاندى وبلىسى بويىنشا KAZAKH INVEST وڭىرلىك ديرەكتورى مادي يسەكەەۆ سوز سويلەدى.
قازاقستان مەن يران اراسىنداعى ىنتىماقتاستىق سوڭعى جىلدارى قارقىن الۋدا. اعىمداعى جىلدىڭ ماۋسىم ايىندا پرەزيدەنت قاسىم-جومارت توقاەۆ يرانعا ساپارمەن باردى, وندا ءبىزدىڭ ەلدەرىمىز ءۇشىن جاڭا مۇمكىندىكتەر اشاتىن كەلىسىمدەرگە قول قويىلدى.
ماڭىزدى كەلىسىمدەردىڭ ءبىرى – يران ازاماتتارى ءۇشىن 14 كۇنگە ۆيزاسىز رەجيم ەنگىزۋ. قازىردىڭ وزىندە يراندىق كاسىپكەرلەر بۇل ارتىقشىلىقتى تولىق پايدالانۋدا, يراندىق كومپانيالاردىڭ قازاقستانعا ساپارلارى تۇراقتى تۇردە ۇيىمداستىرىلۋدا.
