«قازاق ءتىلى» پانىنەن ەمتيحاندى 5-8, 10-سىنىپ وقۋشىلارى تاپسىرادى. مۇنداي وزگەرىستەر كەلەسى (2023-2024) وقۋ جىلىنان باستاپ ەنگىزىلەدى. بۇعان دەيىن قازاق تىلىنەن ەمتيحاندى تەك 9 جانە 11-سىنىپ وقۋشىلارى عانا تاپسىراتىن. ولار دا وسى پاننەن ەمتيحان تاپسىرۋدى جالعاستىرادى», دەپ جازدى ءباسپاسوز قىزمەتى.
بۇعان دەيىن بۇل ۇسىنىس قازاق ءتىلى مۇعالىمدەرىنىڭ سەزىندە جانە وقۋ-اعارتۋ ءمينيسترىنىڭ قاتىسۋىمەن وتكەن مۇعالىمدەر قاۋىمداستىعى وكىلدەرىنىڭ كەزدەسۋىندە ايتىلعان ەدى.
قازاق تىلىنەن ەمتيحان جازباشا جانە اۋىزشا تۇردە وتەدى. تىڭداۋ, ايتۋ, وقۋ جانە جازۋ سياقتى داعدىلار باعالانادى. ەمتيحان تاپسىرمالارىن وقىتۋشىلار اكادەميالىق ادالدىق قاعيداتتارىن ساقتاي وتىرىپ وزدەرى قۇراستىرادى.
ءپان بويىنشا قورىتىندى باعا 5-8, 10-سىنىپتاردا ەمتيحان جانە جىلدىق باعالاۋ قورىتىندىلارى بويىنشا قويىلادى.
