سەناتتا ۇكىمەت باسشىسى سىبايلاس جەمقورلىققا جول بەرگەن شەنەۋنىكتەردەن تاركىلەنگەن اقشانى الۋ ءۇشىن قارجى مينيسترلىگىنىڭ ارنايى ەسەپشوتى قاراستىرىلعانىن اتاپ ءوتتى.
«قۇقىق قورعاۋ ورگاندارى جەمقور شەنەۋنىكتەرگە دە ءتيىستى شەشىم شىعارعان. اقشا قارجى مينيسترلىگىنىڭ ارنايى شوتىنا تۇسەدى جانە قازىردىڭ وزىندە ءتۇسىپ جاتىر. قازىردىڭ وزىندە 50 ميلليارد تەڭگەگە جۋىق قارجى ءتۇستى. تاياۋ بولاشاقتا بۇل سوما 100 ميلليارد تەڭگەگە دەيىن وسكەنىن كۇتۋدەمىز. قاراجات مەكتەپ سالۋعا جانە مەكتەپتەرگە قوسىمشا قۇرىلىستار سالۋعا باعىتتالادى», دەپ ءتۇسىندىردى ۇكىمەت باسشىسى.
ونىڭ ايتۋىنشا, قازىر ءبىلىم مينيسترلىگى ءتيىستى قۇجاتتامانى دايىنداپ جاتىر.
ەسكە سالايىق, 1 قىركۇيەكتە قاسىم-جومارت توقاەۆ حالىققا جولداۋىندا جەمقورلاردان تاركىلەنگەن اقشانى قازاقستاندا مەكتەپ سالۋعا جۇمساۋدى تاپسىرعان بولاتىن.
«جەمقور شەنەۋنىكتەردەن مەملەكەتتەن زاڭسىز العان بارلىق قاراجاتتى الىپ, مەكتەپ سالۋعا جۇمساۋ كەرەك», دەگەن ەدى مەملەكەت باسشىسى.
