تاسجولداعى جارىس

سەيسەنبى كۇنى قاراعاندى قالاسىندا تاسجولداعى ۆەلوسپورت جارىسىنان ازيا چەمپيوناتى باستالدى. وسى كۇنى قازاقستان قۇراماسى العاشقى جۇلدەگە يە بولدى. جاس­وسپىرىمدەر اراسىندا جارىس جولىنا شىققان الىشەر جۇ­ماقان كورەيلىك سپورتشى كيم دجي­حۋنۋدان ساناۋلى سەكۋندتار عانا قالىپ, مارەگە ەكىنشى بولىپ كەلدى. كەشە ايەلدەر اراسىندا مارجان بايتىلەۋوۆا, استانادا وتكەن ۆەلوبايگەنىڭ باس جۇلدەسىن العان ەكاتەرينا يۋرايتيس جارىس جولىنا شىقتى. بيىلعى چەمپيوناتقا 27 ەلدەن كوماندالىق جانە جەكەلەگەن جارىسقا 200-دەن استام سپورتشىلار قاتىسۋدا. قازاقستان قۇراماسىندا ازيا ويىندارىنىڭ چەمپيونى, ازيانىڭ بىرنەشە دۇركىن جۇلدەگەرى, دميتري گرۋزدەۆ ۆالەنتين يگلينسكي, ماكسيم يگلينسكي, دانيل فومي­نىح, رۋسلان تىلەۋباەۆ, ارمان كامى­شەۆ كۇش سىناسۋدا. ايەل­دەر كومانداسىندا مارجان بايتىلەۋوۆا, ءاليا قارعاليەۆا, ماحاببات ءۇمىتجانوۆا, بويجەتكەن قىزدار قۇرامىندا ۆەلوترەكتەن ازيا چەمپيونى نادەجدا جەنەلەۆا, فاينا پوتاپوۆا, سۆەتلانا ريابوۆا جانە ەكاتەرينا يۋرايتيس قاتىسسا, جاسوسپىرىمدەر اراسىندا وتەتىن بايگەدە ەۆگەني گيديچ, ماكسيم ساتليكوۆ, گري­گوري شتەين, الەكسەي ۆو­لو­شين مەن الىشەر جۇماقان باق سىناسادى. ەرلەر اراسىندا ەڭ ۇزاق قا­شىقتىققا – 210 كم. ارنالعان جارىس 1 ماۋسىم كۇنى باستالادى. وسى سىندار «قازسپورت» تەلە­ارناسىندا تىكەلەي ەفيردە كورسەتىلەدى. جالپى, بيىلعى ەرەسەكتەر جانە جاسوسپىرىمدەر اراسىندا ءوتىپ جاتقان ازيا چەمپيونا­تىندا وتانداستارىمىز نامىسقا تىرىسىپ ونەر كورسەتۋدە. استانادا وتكەن 34-ءشى ازيا دوداسىندا 4 التىن, 3 كۇمىس جانە 1 قولا مەدال العانىمىزدىڭ ءوزى جاقسى كور­سەتكىش دەۋگە بولادى. وسى سىن­دا تاعى قازاق­ستان­­دىق سپورتشى­لار اراسىندا ومنيۋم (جەكە قۋالاۋ بايگەسى ) جارى­سىندا ۇزدىك سپورتشى اتاعىنا دياس ءومىر­زاقوۆ يە بولدى. ول مارەگە ءبىرىن­شى كەلگەنىمەن جالپى ەسەپتە ۇزدىك ۇشتىككە ەنە الماي, التىنشى ورىندى قاناعات تۇتتى. وسىنىڭ ءوزى جاس تالانت ءۇشىن جاقسى ناتيجە. ال قاراعاندى تاس جولدارىنداعى جارىسقا كەلسەك, بۇل سىندا دا ەلىمىزدىڭ كوك بايراعىن بيىكتە جەلبىرەتەتىن جاستارىمىز بار. سونىڭ ىشىندە ەكى دۇركىن ازيا چەمپيونى اتانعان ەكاتەرينا ءيۋرايتيستى ايتۋعا بولادى. ەندى كىمنىڭ قانداي ناتيجە كور­سەتەتىنىن الداعى كۇندەرى بىلەتىن بولامىز. داستان كەنجالين, «ەگەمەن قازاقستان».