ناجىمەدەنوۆ, بايتۇرسىنوۆ كوشەلەرىندەگى كولىك كەپتەلىسى سەيىلەدى. سول سياقتى قوشقارباەۆ داڭعىلى, ايناكول كوشەسى, ابىلايحان داڭعىلى, قوبدا كوشەسى جانە تاعى باسقا كوشەلەردەگى قوزعالىس رەتتەلەدى.
ا62 كوشەسى – 8 جولاقتى. قازىر اتالعان كوشەدەگى جۇمىستاردىڭ ءبىر بولىگى اياقتالدى. وسىلايشا 4 جولاق بويىنشا قوزعالىس اشىلدى. قالعان 4 جولاقتى اباتتاندىرۋ جۇمىسى كوكتەمدە جالعاسادى.
وسىعان دەيىن ۇلى دالا بويىنداعى جاڭا كوپىردىڭ ۇستىندە قوزعالىس اشىلعان بولاتىن. ۇلى دالا داڭعىلىنداعى كوپىر ماڭگىلىك ەل داڭعىلىن, ا.بايتۇرسىن ۇلىن, ر. قوشقارباەۆ, ج.ناجىمەدەنوۆ كوشەلەرىن, Nova City اۋدانىن, «مىڭجىلدىق» اۋماعىندا كولىك اعىنىن سەيىلتتى. «نۇرلى جول» جاڭا ۆوكزالىنا, تەلمان جانە پرومىشلەننىي ەلدى مەكەندەرىنە, مەترو گيپەرماركەتى اۋدانىنا, جۇماباەۆ داڭعىلىنا, جۇرگەنوۆ كوشەسىنە جانە ت.ب. ءجۇرۋ مۇمكىندىگى جاسالدى.
تاعى ءبىر كولىك قوزعالىسىنا ارنالعان كوپىر (ەسىل وزەنى ارقىلى تاۋەلسىزدىك داڭعىلىنىڭ بويىندا) 2023 جىلى اشىلادى. بۇل كوپىر تاۋەلسىزدىك داڭعىلى, جاڭا تەمىرجول ۆوكزالى اۋدانى, قوشقارباەۆ داڭعىلى, ناجىمەدەنوۆ كوشەسى, ازىرەت سۇلتان مەشىتى اۋدانى, بايتۇرسىنوۆ كوشەسى, قورداي, ايناكول, مومىش ۇلى داڭعىلى جانە ت.ب. قوسىمشا بايلانىستى قامتاماسىز ەتۋگە مۇمكىندىك بەرەدى.
سوڭعى جىلدارى ەلوردادا 400-دەن استام كوشە جوندەلدى, ولاردىڭ جارتىسى ەلدى مەكەندەردە ورنالاسقان.
