عىلىم جانە جوعارى ءبىلىم ءمينيسترى ساياسات نۇربەك Heriot-Watt ۋنيۆەرسيتەتىنىڭ باسشىلارىمەن كەزدەستى. كەزدەسۋ اياسىندا بريتاندىق جوعارى وقۋ ورنىنىڭ ق.جۇبانوۆ اتىنداعى اقتوبە وڭىرلىك ۋنيۆەرسيتەتىمەن سەرىكتەستىگى تالقىلاندى. بۇل تۋرالى اتالعان مينيسترلىكتىڭ ءباسپاسوز قىزمەتى حابارلادى.
كەلىسىم بويىنشا Heriot-Watt ۋنيۆەرسيتەتى جۇبانوۆ ۋنيۆەرسيتەتىنىڭ بازاسىندا ءۇش باكالاۆريات – «مۇناي-گاز ءىسى», «ەلەكترونەرگەتيكا», «كومپيۋتەرلىك ينجەنەريا» دەڭگەيىندەگى ءبىلىم بەرۋ باعدارلاماسىن, سونداي-اق «ونەركاسىپ مەنەدجمەنتى» ماماندىعى بويىنشا ماگيستراتۋرا باعدارلاماسىن اشادى. بۇل ماماندىقتار ءوڭىردىڭ سۇرانىسىنا قاراي تاڭدالىپ وتىر.
«جوعارى وقۋ ورىندارىنىڭ اراسىنداعى سەرىكتەستىك وتاندىق تەحنيكالىق جانە IT مامانداردى بىرلەسە دايارلاۋعا باعىتتالعان. وقۋدى اياقتاعان ستۋدەنتتەرگە Heriot-Watt ۋنيۆەرسيتەتى مەن جۇبانوۆ ۋنيۆەرسيتەتىنىڭ قوس ديپلومى بەرىلەدى. بۇل ماماندىقتار ۇلىبريتانيالىق ستاندارت بويىنشا وقىتىلىپ, Heriot-Watt ۋنيۆەرسيتەتى باقىلايدى. تالاپكەرلەردى قابىلداۋ كەلەسى وقۋ جىلىندا باستالادى», دەدى س.نۇربەك.
بريتاندىق ۋنيۆەرسيتەتتىڭ وكىلى جۇبانوۆ ۋنيۆەرسيتەتىمەن ىنتىماقتاستىقتى دامىتۋ تۋرالى جوسپارلارىمەن ءبولىستى. ەكى وقۋ ورنى اراسىندا اكادەميالىق ۇتقىرلىق باعدارلامالارى بەلسەندى دامىماق.
Heriot-Watt ۋنيۆەرسيتەتى – 1821 جىلى نەگىزى قالانعان الەمدەگى جەتەكشى زەرتتەۋ ۋنيۆەرسيتەتتەردىڭ ءبىرى. ماتەماتيكا, حيميا ينجەنەرياسى, قۇرىلىس, ەلەكتر تەحنيكاسى جانە مۇناي-گاز ءىسى پاندەرى بويىنشا الەمدىك QS رەيتينگىندە ۇزدىك 300 ۋنيۆەرسيتەتتىڭ قاتارىنا كىرەدى.
