«اۆتوكولىك جولدارىنىڭ ساپاسى حالىقتىڭ تۇرمىسىنا جانە ەكونوميكاعا تىكەلەي اسەر ەتەدى. بۇل سالا اتىراۋ وبلىسىندا اقساپ تۇر. جەرگىلىكتى جولداردىڭ 72 پايىزى عانا ورتاشا كۇيدە. «مۇنى تومەن كورسەتكىش دەۋگە بولادى», دەدى پرەزيدەنت.
سونداي-اق وبلىستاعى رەسپۋبليكالىق ماڭىزى بار جولداردىڭ ساپاسى دا جاقسى ەمەس ەكەنىن اتاپ ءوتتى. ماسەلەن, «اتىراۋ – استراحان» كۇرە جولىن جوندەۋ جۇمىستارى باياۋ ءجۇرىپ جاتىر. ۇكىمەت ونى ۋاقىتىلى جانە ساپالى اياقتاۋدى قامتاماسىز ەتۋگە ءتيىس.
«جالپى, وبلىستاعى شۇرق تەسىك جولدار تالاي رەت جۇرتتىڭ سىنىنا ۇشىرادى. بىراق سودان ەشقانداي ناتيجە جوق, ءتيىستى مەكەمەلەر ءوز جۇمىسىن دۇرىس ورىندامايدى. اۋدانارالىق, وبلىسارالىق جولداردىڭ ساپاسى جاقسارماسا, ايماقتاردى دامىتۋ تۋرالى ايتۋدىڭ ءوزى قيىن. سوندىقتان, جول قۇرىلىسى مەنىڭ جەكە باقىلاۋىمدا بولادى», دەدى ق.توقاەۆ.
